VOV4.K’ho – Tơnơ\ 2 ngai lơh broă nền nòn, jơh nùs, song dơpă, ring bal, Ban Thường vụ Tỉnh ủy Dak Lak neh yal cồng nha rơ wah gơnoar broă Bí thư Huyện ủy Lak mờ huyện ủy Buôn Đôn tàm khà 9 nă cau tus bal pơr lòng sac rơ wah.

Ồng Võ Ngọc Tuyên, Phó Kuang atbồ Sở Kế hoạch mờ Đầu tư geh rơ wah lơh Bí thư Huyện ủy Lăk

Là càr sơn rờp tàm gùt lơgar lơh sac rơ wah loh làng, song dơpă gơnoar broă Bí thư Huyện ủy, Tỉnh ủy Dak Lak neh lơh nền nòn jat tơl bơnah broă di mờ ală jơnau sồr bè broă lơh kuang bàng bơh Đảng dê. Bơh dơ\ sac rơ wah, Ban Thường vụ Tỉnh ủy Dak Lak đơs: ală cau pơr lòng neh rơcang niam ngan, geh kơ nòl tu\ yal lơh loh broă lơh he dê.

Ồng Ya Toan Ênuôl, Phó Bí thư Thành ủy Buôn Ma Thuột geh tơn pồ lơh Bí thư Huyện ủy Buôn Đôn

Jat cồng nha bơh Ban Thường vụ Tỉnh ủy Dak Lak yal, ồng Võ Ngọc Tuyên, Phó Kuang atbồ Sở Kế hoạch mờ Đầu tư neh geh rơ wah tơn pồ tàm gơnoar broă Bí thư Huyện ủy Lak, geh 84,54 tàm 100 điểm. Ồng Ya Toan Ênuôl, Phó Bí thư Thành ủy Buôn Ma Thuột, mờ cồng nha geh 79,25 tàm khà 100 điểm, neh sơr lèt rlau 3 nă cau pơr lòng ndai, geh sac rơ wah tơn pồ tàm gơnoar broă Bí thư Huyện ủy Buôn Đôn.

Cau mblàng K’Duẩn