VOV4.K’ho – Nàng tam pà ală kal ke mờ ală kơnòm bơsram tàm tiah nhàr dà lơgar, Gah đơng lam Mpồl ling sền gàr tiah nhàr dà lơgar càr Dăk Nông neh dờp ròng mờ dong kờl 4 nă kơnòm bơsram kòn cau geh rài kis ờ bơtuah. Do là bơta sơn đờm bơh broă lơh “Kòn ròng pôs ling sền gàr tiah nhàr dà lơgar” geh ală pôs ling sền gàr tiah nhàr dà lơgar tàm càr lam lơh tàm nam 2019. Broă lơh cèng bềng nùs nhơm niam do bơh ală cau ling sền gàr tiah nhàr dà lơgar dê neh pơ gồp bơnah dong ală oh dềt geh rài kis kal ke geh tu\ niam nàng bơsram sră, brồ guh, dờp geh ală bơta niam bơne\ tơ nơ\ do.

Tus tiah nhàr dà lơgar kơnhòal Tuy Đức, ơm đah ne hìu bơsram kấp 1 Ama Trang Lơng, [òn Dăk Huýt, xã Quảng Trực, kơnhòal Tuy Đức là “hìu ơm ling klàng làng bol”. Ơm kis bal tàm hìu ram mhu\ hơ\ là oh Nông Tấn Phát, kơnòm bơsram ơdu\ 3A, hìu bơsram kấp 1 Ama Trang Lơng mờ ală bèp ròng là kuang bàng, cau ling pôs ling sền gàr tiah nhàr dà lơgar Dăk Dang, Gah đơng lam mpồl ling sền gàr tiah nhàr dà lơgar càr Dăk Nông, lơh pôs tàm xã Quảng Trực, kơnhòal Tuy Đức.

Deh mờ dờng tàm 1 hìu bơnhă ờ wil tơl, mè dô bơh tu\ Phát pa rơp 3 sơnam, bèp den ờ geh broă lơh, den tàng Phát sùm pal rlô bơsram nàng ơm tàm hìu ròng oh. Bơh tu\ git rài kis Phát dê, kuang bàng, cau ling Pôs ling sền gàr tiah nhàr dà lơgar Dăk Dang neh tus tàm hìu lam sồr oh tus hìu bơsram mờ dờp ròng siam dong kờl oh. Nàng dipal mờ ală bơta dong kờl bơh ală bèp ròng dê neh sền gròi, ròng siam, Phát hơ pơrgon là să tờm pal lơh ngan nàng bơsram sră: “Bơh ngai oh tus ndo ơm den chờ hờp ngan, ală bèp bơto kòn bơsram, bơta kòn in ală bơta mờ kòn ờ hềt git, kòn go\ ơm tàm do chờ hờp ngan”.

Oh Nông Tấn Phát tềng kơ [àng bơsram sră oh dê

Să jan dềt, mat wil mờ dờng, oh Đặng Văn Minh, tu\ do gam bơsram ơdu\ 8A hìu bơsram kấp 2 Bế Văn Đàn, xã Thuận Hà, kơnhòal Dăk Song kung geh Pôs ling sền gàr tiah nhàr dà lơgar Dăk Tiên, xã Thuận Hà, kơnhòal Dăk Song dờp ròng. Hìu bơnhă oh geh rài kis kal ke ngan, mè oh dê chơt gờ`, bèp den lòt lơh broă ngài, den tàng bơta kơp kờ` tus hìu bơsram bơh oh dê tồn lah pal sang sơbì. Mơya mờ bơta dong kờl bơh ală kuang bàng, cau ling pôs ling sền gàr tiah nhàr dà lơgar Dăk Tiên, oh Minh neh pơn jat tai geh lòt bơsram. Bơh àu mpha, sră ma\i, sră cih, anih nàng nggui bơsram oh dê ndrờm bơh ală cau ling blơi is lơm: “Hìu bơnhă kòn dê r[ah, kal ke ngan, geh lơh kòn ròng bơh pôs ling sền gàr tiah nhàr dà lơgar dê kòn chờ hờp ngan, geh ală wa kơ lôi rơcang bơh kho\ zep tus sra\ ma\i, sră cih, àu mpha.. Kòn sền do là hìu bơnhă dơ\ 2 kòn dê, kòn kơp kờ` tu\ dờng gơs cau bè ală wa ling do nàng dong ua\ cau ndai rlau”.

Thiếu tá Thái Bình Dương, Phó Kuang atbồ mpồl lam sồr làng bol pôs ling sền gàr tiah nhàr dà lơgar Dăk Tiên, xã Thuận Hà, kơnhòal Dăk Song pà git, să tờm bi mờ ală oh mi tàm pôs ling neh lơh jat broă lơh “Kòn ròng cau ling sền gàr tiah nhàr dà lơgar” jat gùng dà broă lơh mờ kấp hơđang jàu. Jat hơ\, bi mờ ală oh mi geh kơnòl dong kờl sau Đặng Văn Minh geh tus hìu bơsram mờ wil tơl ală bơta phan ngui bơsram mờ bơto oh bơsram tàm hìu. Thiếu tá Dương yal, Đặng Văn Minh là kơnòm dềt geh rài kis ua\ kal ke, den tàng oh mi tàm pôs ling sền sau bè kòn tờm. Đặng Văn Minh ngac ngar, git kơ lôi rơcang is bơh dềt tai mờ git loh bơta kal ke bơh să tờm dê den tàng tryang tryồng ngan bơsram sră: “Bơh sơn rờp gơ wèt mờ să tờm a` kung bè oh mi tàm mpồl đal git do là kơ nòl chính trị bơh pôs ling dê den tàng bol a` kung lơh jat jơh nùs ngan, dong sau Minh tàm broă bơsram sră, tàm rài kis pah ngai, jun sau tus hìu bơsram pah ngai, trồ mang den bơto sau bơsram, kơp kờ` tơ nơ\ do rùp să cau ling wa Hồ dê geh là ală cau tă pơ gồp dùl êt tàm broă lơh dong oh tus hìu bơsram geh lam lơh niam rlau.”

Pah ngai, ală oh geh cau ling sền gàr tiah nhàr dà lơgar jun tus hìu bơsram

Đại tá Phan Quốc Vỹ, Phó Chính ủy, mpồl ling sền gàr tiah nhàr dà lơgar càr Dăk Nông pà git, lơh jat gùng dà broă lơh bơh Gah đơng lam mpồl ling sền gàr tiah nhàr dà lơgar dê, bơh nam 2019 tus nam 2020, Gah đơng lam mpồl ling sền gàr tiah nhàr dà lơgar càr Dăk Nông neh lam lơh broă lơh “Kòn ròng pôs ling sền gàr tiah nhàr dà lơgar” dờp ròng 4 nă sau là kơnòm bơsram bơsram jak bơh 6 tus 15 sơnam ờ geh cau ròng siam, ờ geh anih kơl dìng, geh rài kis kal ke tàm 3 xã tiah nhàr dà lơgar: Tuy Đức, Dăk Mil, Dăk Song nàng ală sau in geh anih ơm, sàu sa, bơsram sră. Ală kơnòm bơsram geh ală pôs ling rơndap anih ơm, sàu sa mờ bơsram sră dipal, sồr kuang bàng dong kờl tơn, bơto bơtê, pơlam tàm pôs ling tơn: “Bè phan bơna mờ kơ lôi rơcang ală sau in den ală pôs ling sền gàr tiah nhàr dà lơgar rơndap ai ală sau in rê ală mpồl lơh broă mpồl ling sền gàr tiah nhàr dà lơgar tàm [òn lơgar dê, jàu tơl nă cau geh đảng sền gròi, bơto bơtê mờ kơ lôi rơcang tơn ală sau in, bơto ală sau bơsram nàng ală sau in mhar git ală jơnau geh bơto tàm hìu bơsram, mờ gơp bơ yô. Tàm tơngai tus, Đảng ủy Gah đơng lam mpồl ling sền gàr tiah nhàr dà lơgar tềng đap mat là dờp ròng 4 nă, tàm nam tus geh pơn jat tai lam lơh ua\ broă lơh do”.

Ờ di là pròc mhàm tờm, mơya ală oh dềt ờ bơtuah tàm rài kis tu\ do neh geh tai ală bèp ròng cèng groat tơlir. Nàng bơh hơ\, ală oh geh bơ tơl dùl êt nùs nhơm bơh cau tờm, hìu bơnhă dê, geh lòt bơsram nàng pơn jat tai jat bơta kơp kờ` gơ gơs ală cau geh kuơ mpồl bơtìan in, gơs ală cau geh bồ tơngoh jak, geh bơta kờ` gơboh bal mờ git tam pà bal mờ mpồl bơtìan.

Cau mblàng K’Duẩn