VOV4.K’ho- Jăt Trạm Kiểm lâm xã Quảng Sơn, kơnhoàl Dăk Glong, càr Dăk Nông dê yal, bơh ngai 18-30/9 pa do, tàm ù tiah xã dê sùm gơlik geh 5 dơ\ tuh dà sơnơm iơm khih rlau 1.300 tờm nho, ndrờm mờ pơgăp rlau 5 lồ. Bơta pal đơs ngan là ală dơ\ iơm khih brê nho gơlik wơl rềp kềng gah gùng rơndeh dờng 28, rềp tơn mờ tiah làng bol [òn lơgar ơm kis gal ngan mờ ơm ngài mờ anih lơh broă Ủy ban Nhân dân xã ờ hềt tus 1 kơi sồ.

Brê nho rcăng gàr bồ tô dà kềng gah gùng rơndeh 28, gơl lòt gan xã Quảng Sơn gơtìp “lơh gơ sơ\t” bơcrì bơcrà ngan bơh uă nam do bal mờ jơnau kờ` sơgràm ù brê. Mơya, tus tu\ do, tiah do mờ mpồl lơh broă geh gơnoar kung gam ờ hềt jòi geh sơl gùng dà broă lơh geh cồng nha nàng kơryan.

Brê nho rcăng gàr bồ tô dà kềng gah gùng rơndeh dờng 28, gơl lòt gan xã Quảng Sơn bơh Công ty TNHH Kă bro Nguyên Vũ atbồ. Mơya, tài mpồl lơh sa kă bro do lơh tìs adat boh lam bè atbồ, sền gàr brê, den tàng tu\ do UBND càr Dăk Nông neh ai wơl mờ jàu ai Công ty TNHH MTV Lâm nghiệp Quảng Sơn in. Bè hơ\ mơya, cau tờm brê pa do pơn jăt tai lời roh brê.

Cau mblàng Lơ Mu K’Yến