VOV4.K’ho – UBND càr Dak Nông bơyai lơh pơr lòng “Chủ tịch UBND kấp xã mờ adat boh lam”. Do là dơ\ 2, càr Dak Nông bơyai lơh pơr lòng nàng kờ` tơnguh jơnau git wă bè adat boh lam ai mpồl kuang bàng tàm kấp hơ đơm in, mờ cau gơ rềng tơn là ală Chủ tịch, Phó Chủ tịch UBND xã. Tơngume pơr lòng sền gròi lài tus ală jơnau cih geh gơ rềng tơn, geh gơ rềng pah ngai tus rài kis làng bol mờ gơnoar atbồ kấp hơ đơm bè: Adat bơyai lơh HĐND mờ UBND; Adat tơlik sră nggal pơlam lơh jat jơnau cih adat boh lam bơh HĐND mờ UBND dê; Adat Dân sự; Adat Hình sự; Adat ù tiah; Adat gùng tam bau mờ hìu bơnhă…

Broă lơh pơr lòng trắc nghiệm, bơsong broă gơlik geh mờ lơh lèu. Pơr lòng nàng kờ` tơnguh jơnau git wă adat boh lam, tơnguh bơta niam mờng chài lơh broă bơh kuang bàng kấp xã dê, pơgồp bơnah dong mpồl do lơh niam kơnòl broă geh jàu. Bơh pơr lòng, kuang bàng kấp xã geh tìp mat, bơsram bal, cribơyai bal mờng chài tu\ lơh broă, tơnguh bơta tam klac bal, lơh gơlik bơta pràn nàng lơh gơs kơnòl broă bơh anih lơh broă, mpồl lơh broă dê.

Cau mblàng K’Duẩn