VOV4.K’ho – Drim ngai 21/2, Sở Nông nghiệp mờ Phát triển Nông thôn càr Dak Nông bơyai lơh Pơrjum lam lơh broă lơh rơcang sơndră kòp bơ tờp tàm phan ròng nam 2020. Nam 2019, kòp jê ndul gơ jroh sur châu Phi neh lơh 4 rbô 700 nơm sur bơ tờp kòp pal tơp pơrguc; gơlik geh kòp sồt mbùng gơtă nđias tus mờ rơpu kơn rồ, kòp sơnrang tàm so tàm 2, 3 tiah. Ală bơta kòp do tàm phan ròng neh lơh gơbàn ua\ jơnau gơ lời wơl, lơh aniai tus rài kis, broă lơh sa làng bol tàm càr dê.

Nam 2020, ală kơ nòl tờm ngan geh Gah do lam lơh bè: dờp git jơnau yal, sền gròi ală bơta gơlik geh nàng lơh niam broă rơcang sơndră kòp; tu\ geh kòp den mhar kơryan; rơcang lài niam phan bơna, dà sơnơm, sơnơm vaccine drơng broă lơh rơcang sơndră kòp in… Broă đơng lam, pơlam anih ròng phan ngui ală broă lơh ròng phan ờ do ờ dă sinh học kung là broă lơh tờm mờ Gah lơh sa suơn sre chồl pràn lam lơh.

Cau mblàng K’Duẩn