VOV4.K’ho – Tàm tiah tờm pơrjum càr Dak Nông, HĐND càr khóa 3, tơngai lơh broă bơh nam 2016 tus nam 2021 mut pơrjum dơ\ 9. Jơnau yal tàm pơrjum do ai go\, càr geh 5 khà sơr lèt rlau mờ Nghị quyết sồr, 9 mpồl broă lơh lơh geh mờ khà Nghị quyết ai, khà gơguh lơh sa GRDP tàm khà jơnhua, mờ 7,8%, rlau 600 mpồl lơh sa kă bro crơng gơs pa…

Bí thư Tỉnh ủy, Chủ tịch HĐND càr, ồng Lê Diễn đơs nền: Nam 2020 geh pơrya kuơmàng ngan, là nam dut ndơl bơh tơngai lơh broă mờ broă rơndap lơh bơtàu tơnguh lơh sa, mpồl bơtìan 5 nam bơh nam 2016 tus nam 2020 dê, là nam lơh pơrjum đảng bộ ală kấp, wèt tus pơrjum cau ala mat gùt lơgar dơ\ 13 bơh Đảng dê.

HĐND càr geh kơlôi sơnơng, mblàng lơh loh, cribơyai nàng ai tơlik jơnau kờ`, kơnòl broă mờ broă lơh dipal mờ bơta geh ngan bơh càr dê nàng chồl pràn bơtàu tơnguh lơh sa, mpồl bơtìan kơ\ kơljap; sền gàr kơ\ lơngap lơngai chính trị, ờ do ờ dă mpồl bơtìan; pơgồp bơnah jơh nùs bơt bơtàu tiah ơm kis ring lơngai, lơh broă bal mờ bơtàu tơnguh.

Nàng dơ\ pơrjum lơh geh cồng nha niam ngan rlau jơh, ală kuang bàng HĐND càr pơn jat taia tơnguh nùs nhơm geh kơ nòl tềng đap cau te\ khà mờ làng bol, tơr gùm jơh bồ tơngoh jak, lời tu\ tơngai nàng kơlôi sơnơng, cribơyai nền nòn, tă pơgồp ua\ jơnau đơs niam rlau tai. Jat broă rơndap lơh, pơrjum dơ\ 9 HĐND càr geh lơh tàm 3 ngai, bơh ngai 9 tus ngai 11/12.

Cau mblàng K’Duẩn