VOV4.K’ho- Bulah ờ geh sră ai gơnoar sac rơ wah kơnòm bơsram 3 sơnam tài ờ tơl phan bơna mờ cau pơgru, mơya, Hìu bơsram mầm non Hoa Mai, tàm xã Dak Ha, kơnhoàl Dak Glong, càr Dak Nông kung gam tăc sră nggal mờ cih mat dan mut bơsram ai kơnòm bơsram 3 sơnam in. Bơta do lơh gơlik nùs nhơm ờ suk ơm gơ wèt mờ làng bol ơm tàm tiah do.

Jat broă rơndap lơh bơh Phòng Giáo dục- Đào tạo kơnhoàl Dak G’long yal, Hìu bơsram mầm non Hoa Mai, ơm tàm xã Dak Ha, nam do ờ tơl bơta sac rơ wah kơnòm bơsram 3 sơnam, tài bơh ờ hềt geh tơl phan bơna mờ cau pơgru. Mơya, tu\ do hìu bơsram do kung gam tăc sră nggal mờ cih mat dan mut bơsram ai kơnòm bơsram 3 sơnam in sơl. Dùl nă mè bèp ( dan mpồn mat sơn đan) pà g^t:

Khi đơs là cih te\ mat tàm do, geh sồ điện thoại tềng hơ\, dilah geh cau pơgru sền ơdu\ ai kơnòm 3 sơnam in den geh yal bơr wơl. Tềng đap mat lơh te\ bè hơ\, dilah 1 nhai do ờ geh den nhai tơnơ\ geh pơgru bơto den mut bơsram.

                                                  Hìu bơsram mầm non Hoa Mai

Mò Nguyễn Thị Nhung, Hiệu trưởng hìu bơsram mầm non Hoa Mai, dờp broă sac rơ wah kơnòm bơsram là tìs mờ jơnau sồr. Tu\ do Hìu bơsram pa mìng dờp sră nggal mơya ờ hềt bơyai lơh ai ală sau in bơsram tài bơh ờ hềt geh pơgru.

Đơs bal là ơdu\ mầm ai mè bèp in tus cih mat, tus tu\ do pờ geh 2 ơdu\ bloh. Bol a` kung ờ kờ` lơh bòl glar is să tờm he dê bè hơ\ ờ mơya he là cau kis rềp mềr mờ làng bol mờ he ờ lơh den cau ndai sền kung đơs do đơs ne sơl, khi đơs là oh kòn cau ndai geh lòt bơsram, den gơlơh oh kòn khi ờ geh lòt bơsram. Den tu\ do ờ g^t lơh bè lơi sơl, he lơh tìs mờ kơrnoat boh lam den lơh ngan nàng bơsong wơl, oh mi tàm hìu bơsram bơsong bal lơm, g^t lơh mbè lơi tu\ do.

          Ờ geh jơnau sồr mơya Hìu bơsram kung gam dờp sră nggal ai kơnòm 3 sơnam in sơl  

Ồng Đoàn Văn Phương, Kuang atbồ Phòng Giáo dục- Đào tạo kơnhoàl Dak G’long đơs nền, Hìu bơsram mầm non Hoa Mai, ờ hềt geh sră ai gơnoar ai kơnòm bơsram 3 sơnam in mut bơsram, mờ hìu bơsram ờ hềt yal bè broă do sơl, Phòng Giáo dục – Đào tạo kơnhoàl Dak Glong geh crơng gơs mpồl lòt sền nàng kờ` g^t nền broă do.

Nùs nhơm bơh phòng Giáo dục- Đào tạo kơnhoàl Dak G’long dê là mìng sac rơ wah 2 mpồl kơnòm lơm tài bơh dơ\ 1 là ờ geh phan bơna, dơ\ 2 là ờ geh pơgru. Ală ùr pơgru tàm hìu bơsram dê geh đơs là kơnòm bơh 5 tus 6 sơnam mờ 4 tus 5 sơnam sac rơ wah ờ hềt tơl gam jơng kah ơdu\ den ală pơgru sac rơ wah tai, mơya dilah jơng kah den kung pal geh jơnau dan.

Ờ hềt tơl phan bơna, ờ tơl pơgru, ờ g^t Hìu bơsram mầm non Hoa Mai geh “lơh bơsong is” mbè lơi tu\ gam kờ` sac rơ wah tai 3 ơdu\ bơsram bơdìh mờ broă rơndap lơh.

Cau mblàng K’ Hạnh