VOV4.K’ho – Mho ngai 31/7, Mpồl đơng lam bơt bơtàu Công viên địa chất Dak Nông neh geh dơ\ lơh broă mờ Tiến sĩ Guy Martini - Chủ tịch Hội đồng lùp sền wơl ală công viên địa chất gùt plai ù bơh UNESCO dê. Tiến sĩ Guy Martini đơs niam broă lơh ngan bơh càr Dak Nông dê tàm broă bơt bơtàu Công viên địa chất Dak Nông tàm tơngai lài. Mơya, tơl broă mìng pa rơp sơn đờm, den tàng càr pal lơh ngan uă rlau tai bè tơl bơta nàng gơtùi sền gàr mờ bơtàu tơnguh công viên địa chất. Mùl màl, bal mờ broă ai ngui geh cồng nha ală tiah tờm yal jơnau, Dak Nông pal pơn jat tai gàr bè ờs, lơh broă bal mờ mpồl cau jak chài pơlam nàng lơh gơs niam rlau tai ală bơnah broă geh gơ rềng.

Càr pal bơt bơtàu phan bơna nhơl chờ krơi is mờ geh gơ rềng mờ ală brê dà lơgar nàng prap g àr, bơtàu tơnguh brê geh is dùl bă kơ\ kơljap. Êt ngan kung pal lơh geh 5 gơl gùng lòt jơng geh bal mờ jơnau tơnggit pơlam kuơ màng nàng nac nhơl chờ in gơtùi jòi git, lòt sền. Càr pal bơt bơtàu broă rơndap lơh lòt sền, sền gàr tiah ơm kis tàm ală anih geh phan kuơ lời wơl. Bal mờ broă pơn jat tai kơlôi sơnơng bè kòn cau mờ niam chài ală kòn cau, Dak Nông pal gàr, bơyai lơh ai ală kơnòm bơsram in tus sền tàm ală anih geh phan kuơ lời wơl…

Cau mblàng K’Duẩn