VOV4.K’ho – Ală bă brê nho tơlir neh geh tu\ glòm jơh 2 gah gùng rơndeh 14 mờ 28 lòt gan 2, 3 xã bơh càr Dak Nông dê, ờ mìng dong rơcang gàr ală gơl gùng rơndeh do in, mờ gam geh chi che brê bơnơm niam bơne\, tiah ơm kis noat mrềt tai. Mơya tu\ do, brê nho jat kềng gah gùng rơndeh tàm càr Dak Nông neh roh rlau nggùl, ala mờ ơ\ là hìu ơm, hìu tac phan `ô sa mờ suơn chi. Bơta kuơ ù kềng mat gùng rơndeh dờng ir pơn drờm mờ khà lơh glài broă lơh tìs kơl mus brê, gam lơh ală broă lơh ngan kơryan broă lơh tìs ờ thàn jat bơta geh ngan.

Jat kềng gah gùng rơndeh gơl lòt gan xã Trường Xuân, xã Nâm N’Jang, gơ wèt kơnhòal Dak Song geh git nđờ rhiang tờm nho gơtìp iơm mờ dà sơnơm gam jrùh nha mờ mờr chơt.

Ồng Nông Văn Cương, Phó Chủ tịch UBND xã Nâm N’Jang, kơnhòal Dak Song, càr Dak Nông pà git, bulah xã neh pơgồp bal mờ ală mpồl lơh broă geh gơnoar tơnguh ală broă lơh bơh mblàng yal tus lơh glài mờ pria\. Mơya tài ua\ ngan ală cau lơh tìs tàm trồ mang den tàng ờ gơtùi kơryan jơh:

“Tàm tơngai lài, geh 2, 3 nă cau iơm tờm nho nàng lơh tờm nho in chơt, broă do geh lơh tàm trồ mang den tàng ờ gơtùi sền go\, khi ngui ma\i khoàng dềt, khoàng tềng tờm nho nàng tuh dà sơnơm lơh tờm nho chơt hời rơ hời”.

Bơta pal đơs là ua\ ngan bă nho gơtìp chơt ndrờm ơm rềp ală hìu geh lơh tìs mờ adat boh lam jat kềng gah gùng rơndeh 14 mờ bơrlu\ bal mờ ua\ sươn mìr bơh làng bol dê. Ù kềng mat gùng rơndeh sơlơ gơguh khà pria\, bơta koh kơl tờm nha sơlơ gơlik geh sùm, jơh ală broă iơm sơnơm khih tờm nho ndrờm ờ hềt kup bàn ală cau tờm lơh.

                                           Brê nho kềng gah gùng 14 gơtìp sơ gràm mờ iơm sơnơm

Ồng Lê Viết Sinh, Phó Chủ tịch UBND kơnhòal Dak Song, càr Dak Nông den đơs là, bơta kal ke gơguh ua\ rlau git nđờ dơ\ tu\ ală bă brê geh tam gơ bơr lu\ rềp mờ [òn làng bol ơm kis: “380 lồ brê nho jat kềng gùng rơndeh 14, tàm hơ\ mìng geh 200 lồ là geh brê, gam wơl là ù gời mờ làng bol neh sơ gràm phà lài, broă làng bol sơ gràm brê ai ù gơlik geh sùm. Tu\ do jat kềng gùng rơndeh 14, pria\ tac ù kas ngan den tàng làng bol sơ nơng là, geh lơh tơl bơta nàng sơ gràm ai ù mờ tac. Bulah bol a` neh geh ua\ broă lơh nàng atbồ broă do, jàu brê làng bol in, mơya, 2, 3 hìu bơnhă làng bol geh jàu brê tài bơta kươ să tờm dê mờ sền gàr niam brê”.

Ai tàm gùng rơndeh 28 gơl lòt gan ală xã Đăk Ha mờ xã Quảng Sơn, kơnhòal Dak Glong, kờp bal pah nam geh git nđờ rhiang tờm nho gơtìp iơm sơnơm. Tiah do ua\ nam rềp ndo sùm geh sền là dùl tàm ală tiah gơlik geh ua\ dơ\ kơl mus brê mờ sơ gràm ù brê tìs mờ adat boh lam bơh càr Dak Nông dê.

Ồng Đỗ Ngọc Hiếu, Chủ tịch UBND xã Quảng Sơn, kơnhòal Dak Glong, càr Dak Nông pà git, broă koh kơl aniai tờm nho nàng lơh hìu, sơ gràm ai ù kung gam ờ hềt geh tềl tơnggo\ gơmù sơl:

“Broă iơm sơnơm tờm nho mờ sơ gràm ù brê nho kung gam gơlik geh, kuơmàng tơnơ\ tu\ UBND càr geh kơrnuat ai wơl bơh Kong ti Nguyên Vũ dê nàng jàu Kong ti Lâm nghiệp Quảng Sơn in den tơngai hơ\ ờ hềt jàu ngan bă tiah ngan ngồn ai kong ti lâm nghiệp Quảng Sơn in den ală bol blơ\ neh sơ mờm broă do nàng iơm sơnơm tờm nho mờ sơ gràm ù. Tơngai hơ\ den UBND xã bal mờ kiểm lâm lòt lơh glài, neh lơh sră lơh glài rlau 10 nă cau lơh hìu mờ bơ klơn tă sờr geh 8 nơm hìu, broă làng bol sơ gràm ù mờ tam chi tam ndai tàm bă tiah tờm nho chơt den 2, 3 bă tiah kung gam ờ hềt kup bàn cau tờm lơh sơl”.

                                            Brê nho kềng gah gùng 28 gơtìp koh kơl nàng lơh hìu

Jat Sở Nông nghiệp mờ Phát triển Nông thôn càr Dak Nông yal, kờp bơh nam 2015 tus nhai 9 nam 2019, tàm kơnhòal Dak Glong neh gơlik geh 47 dơ\ koh kơl aniai brê nho mờ hoàc huơr rlau 2 rbô tờm nho. Ai tàm kơnhòal Dak Song gơlik geh 78 broă lơh tìs, lơh hoàc huơr rlau 2 rbô tờm nho. Bơdìh mờ broă mblàng yal tơnguh jơnau git wă atbồ, sền gàr brê den kuang đơng lam bồ Sở Nông nghiệp mờ Phát triển Nông thôn càr Dak Nông neh sồr gah kuang àng lùp khàu, lơh glài jơh ală cau iơm sơnơm khih, lơh aniai brê nho.

Ồng Lê Quang Dần, Phó Kuang atbồ Sở Nông nghiệp mờ Phát triển Nông thôn càr Dak Nông pà git:

“Sở Nông nghiệp neh cribơyai mờ UBND càr, sồr ală anih lơh broă geh gơnoar mờ gơnoar atbồ càr bè mpồl kuang àng lơh glài ală broă lơh tìs cèng bơta hình sự, gơnoar atbồ ală kấp den tơnguh broă atbồ cau ơm kis, atbồ ù tiah. Mìng is gơ wèt mờ mpồl kiểm lâm den lơh ngan mblàng yal, tơnguh broă lòt sền, sền sơ wì nàng di tu\ git go\ mờ kơryan ală broă lơh tìs, mơkung lơh sră nggal lơh glài broă lơh tìs mờ pria\ gơ wèt tus mờ broă koh kơl aniai brê”.

Broă lơh aniai tờm nho mờ dà sơnơm ờ gam pa, mơya tài bơta rơ mơp dơl bơh anih lơh broă geh gơnoar dê tàm broă sền gàr brê, den tàng broă kơl mus brê do kung ờ hềt gơtùi kơryan sơl. Git nđờ rbô tờm nho bơh càr Dak Nông dê gơtìp chơt hời rơ hời pah nam tài bơta hàm hà bơh ală cau kờ` sơ gràm geh ù dê, mơya broă tam chi ala ờ geh lam lơh, den tàng brê nho kềng gah gùng rơndeh tàm càr ngai sơlơ ờ gam tai.

Bơh tu\ geh jơnau đơng lam bơh Thủ tướng Chính phủ dê tàm ngai 11 nhai 10 pa do, den mpồl lơh broă geh gơ noar càr Dak Nông hơ\ sồng gơ jă gơ jal jòi broă rơndap lơh nàng lùp khàu, kup ală cau geh broă lơh kơl mus, lơh aniai brê. Mơya dilah mìng kup lơh glài, ờ tam chi ala, tam bơ tơl, den ală bă brê nho tơlir tàm càr Dak Nông dê digơlan pơn jat tai gơtìp roh jơh tơn.

Cau mblàng K’Duẩn