VOV4.K’ho- Dak Nông geh đơs geh bơta pràn bè bơtàu tơnguh ồs đèng mat tơngai. Den tàng bè hơ\, tơngai pa do bàr pe nă làng bol mờ mpồl lơh sa kă bro neh khin cha bơcri priă, ngui khà ồs đèng do bơh ală broă lơh ồs đèng mat tơngai ơn tềng hơ đang rơkàng hìu. Bơh sơn rờp broă lơh do neh ai geh cồng nha loh làng.

Mờ jơnau kờ` ngui ồs đèng pah nhai uă, mò Nguyễn Thị Nhàn, ơm tàm thôn 6, xã Dak Ha, kơnhoàl Dak G’long neh bơcri priă lơh ồs đèng mat tơngai ơn tềng hơ đang rơkàng hìu nàng drơng broă hìu bơnhă mờ tơmut  bal mờ gùng che ồs đèng dà lơgar. Priă bơcri bơh sơn rờp 150 tơlak mờ 16 pang pil bơta pràn 5,6kWp. Cồng nha lơh geh neh lơh mò Nhan niam nùs ngan.

Pah nhai hìu bơnhă kung jơh uă ngan priă đèng, tu\ kơno cau yal den go\ kung geh cồng nha den a` kung bơcri priă 150 tơlak nàng lơh ồs đèng mat tơngai ơn tềng hơ đang rơkàng hìu  do. Tơl nhai hìu bơnhă jơh pơgap 1 tơlak 600 rơbô priă đèng, mơya bè nhai do den jơh mìng rlau 600 rơbô lơm, jơng kah den he tac wơl mờ gah lơh ồs đèng den kung geh 700 rơbô priă pah nhai, đơs ngan là go\ kung geh cồng nha ngan sơl.

Sền go\ geh kuơ bơh broă lơh ồs đèng mat tơngai ơn tềng hơ đang rơkàng hìu, tơnơ\ tu\ kơlôi sơnơng, jòi g^t, hìu bơnhă ồng Nguyễn Thế Tùng, ơm tàm thôn 2, xã Trường Xuân, kơnhoàl Dak Song neh bơcri priă rlau 320 tơlak nàng crăp ồs đèng mat tơngai ơn tềng hơđang rơkàng hìu ai hìu bơnhă in. Mờ 36 pang pil ồs đèng mat tơngai geh bơta pràn 12kWp, mìng tàm nhai sơn rờp ngui mờ tơmut bal mờ gùng che ồs đèng dà lơgar, bulah tàm tơngai kàl mìu mơya hìu bơnhă neh geh rlau 2.000 kWh. Sền go\ cồng nha, ồng Tùng gam kơlôi sơnơng pơn jat tai bơcri priă tai nàng ai hìu bơnhă in ngui mờ tăc. Ồng Nguyễn Thế Tùng, đơs:

Bơh dùl nă gơ\p bơyô tus yal den a` sền go\ cồng nha di den kung cribơyai mờ hìu bơnhă crăp đềng ơn tềng hơđang rơkàng hìu do. Bơh dùl nhai mut ngui den kờp priă  pal tă 327 tơlak, bơh dùl nhai ngui, tu\ mìu, tu\ trồ tơngai den kung geh 4 tơlak 300 rơbô đông, kờp ngan den jat khà bơnah rhiang den ndrờm 1.3% dùl nhai, do là cồng nha ngan ngồn den là digơlan pal crăp tai.

Jat Công ty Ôs đèng Dak Nông, mpồl tu\ do gam atbồ  14 ma\y crăp ồs đèng ơn tềng hơ đang rơkàng hìu bơh nac ngui dê mờ kờp jơh bơta pràn 3 rơbô 057 kWp (kilo oat pít). Ală broă lơh do geh gah lơh ồs đèng ki\ sră hơ pơr gon blơi ồs đèng mờ khà priă 2 rơbô 314 đông tàm dul kWh, ngui tàm 20 nam gơ wèt mờ ală broă lơh crăp ồs đèng lài mờ ngai 30/6/2019. Ồng Nguyễn Văn Trình, Phó giám đốc Công ty Ồs đèng Dak Nông, pà g^t:

Bơdìhmờ ală khà đèng làng bol ngui, khà jơng kah wơl geh tac mờ gah lơh ồs đèng in. Gah lơh ồs đèng crăp công tơ 2 gùng mờ sền g^t jơh khà ngui đèng, pah nhai gah lơh ồs đèng tơrgùm khà sồ công tơ mờ tơm priă ai năc in. Mờ khà priă  kung kas ngan den kung geh kuơ ai làng bol in sơl. Jat kờp sền den dilah tă priă den pơgap 5 tus 6 nam geh ai wơl priă neh tă. Dơ\ 2 tai là, tài bơh geh khà đèng bơtơl tàm tiah do tơn den broă ngui đèng bơh tiah ndai tus geh gơmù, bơta pràn đèng tam tiah hơ\ kung geh niam tai sơl, ală hìu bơnhă gùt dar kung ngui ồs đèng niam sơl.

Jat jơnau đơs, broă crăp ồs đèng mat tơngai ơn tềng hơ đang rơkàng hìu bơdìh mờ broă tơrmù priă jền uă ngan ai hìu bơnhă in, bơta niam ngan bơh broă crăp ồs đèng do dê là tu\ geh khà đèng jơng kah ờ ngui, năc ngui gơtùi tăc wơl mờ gah lơh broă ồs đèng in. Ồs đèng mat tơngai ơn tềng hơđang rơkàng hìu geh ală bơta niam bè rềp mềr mờ tiah ơm kis, mut lơh, crăp buơn, ngui hơđang rơkàng hìu halà tiah crăp broă lơh nàng crăp ơn ală pang pil mat tơngai.

Cau mblàng K’ Hạnh