VOV4.K’ho- Ngai òr (14/4), mpồl ală cau khoa học, cau jak chài công nghệ thông tin bơh Bộ Khoa học mờ Công nghệ, Bộ Thông tin mờ Truyền thông dê đơng lam neh kờp sền wơl ală cồng nha kơlôi sơnơng bơh mpồl dê nàng dong Mpồl đơng lam dà lơgar lơh gơs gùng dà broă lơh dan mờ Thủ tướng Chính phủ, Thường trực Chính phủ bè broă pơn jat tai lơh jat “ broă ơm yah tam cah is mpồl bơtìan” jat Chỉ thị sồ 16 bơh Thủ tướng Chính phủ dê.

Jat hơ\, ală tiah geh tam cah is 3 mpồl: bơta digơlan bơtờp kòp uă, geh bơta digơlan bơtờp mờ bơtờp kòp ờ uă. Ală cau jak chài neh tơrgùm kờp sền mpồl ală tiah geh kờp du\ lài là digơlan bơtờp kòp uă, pal pơn jat tai ngui broă lơh “ơm yah tam cah is mpồl bơtìan” bè jơnau cih tàm Chỉ thị sồ 16 bơh Thủ tướng Chính phủ dê ai tai dùl tu\ tơngai ơm yah tam cah is. 2 mpồl gam wơl geh lơh jat “ lơh thoàr”.

Ală broă lơh pal pơn jat tai mut ngui tàm gùt lơgar, tàm hơ\ geh: sồr pal glòm muh mat mờ chèo tu\ lik bơh tàm hìu, ơm yah mờ broă bơh bơr tìp mat bal, ờ ai tơr gùm gal cau ( kờp bal mờ ală broă gah pin dờn jat yàng), ờ hềt mut lơh broă lơh sa kă bro ală broă drơng ala nhơl chờ lơh rài bồ tơngoh.

Cau mblàng K’ Hạnh