VOV4.K’ho- Wèt tus Pơrjum dờng Cau ala măt gùt lơgar dơ\ 13 bơh Đảng dê, ală tiah gam jơh nùs rcăng ai bơyai lơh geh cồng nha pơrjum dờng đảng bộ kấp hơđơm in. Nàng yal làng bol mờ gơ\p bơyô in broă lơh chính trị kuơmàng do, bơh ngai do, tàm ngai dơ\ 3 pah poh, bol a` pờ jơnau đơs pa hơ\ là jơnau “Wèt tus Pơrjum dờng Cau ala măt gùt lơgar dơ\ 13 Đảng dê”. Jơnau dơ\ sơnrờp ngai do, bol a` yal bè broă lơh rcăng pơrjum dờng Đảng bộ kấp hơđơm, kấp kơnhoàl tơngai lơh broă bơh nam 2020- 2025 tàm kơnhoàl Đức Trọng, càr Lâm Đồng.

Ồng Lê Hồng Khánh, Phó Bí thư Thường trực Huyện ủy Đức Trọng đơs nền, broă lơh rcăng ai pơrjum dờng in là kuơmàng ngan, lơh nền bơta lơh geh cồng nha bơh pơrjum dờng Đảng ală kấp dê. Den tàng bè hơ\, gơ sồr ală kấp ủy, mpồl đảng pal tơnguh uă nùs nhơm geh kơnòl, tơrgùm cribơyai, lơh niam broă lơh rcăng lài. Ngan den tàng bè hơ\, bơh sơnrờp tơn, Ban Thường vụ Huyện ủy neh bơyai lơh mblàng yal ală chỉ thị, broă rơndăp lơh bơto pơlam bè pơrjum dờng, kuơmàng là jơnau cih đơs bơh Tổng Bí thư, Chủ tịch lơgar dê bè lam lơh jăt Chỉ thị sồ 35 bè pơrjum dờng Đảng ală kấp, wèt tus Pơrjum dờng cau ala măt gùt lơgar dơ\ 13 Đảng dê. Tơnơ\ tu\ mblàng yal, tus tu\ do, gơtùi đơs ngan là, broă lơh rcăng pơrjum dờng ală mpồl đảng kơnă hơđơm tàm ù tiah kơnhoàl Đức Trọng gam geh lơh, lơh jăt di bè broă rơndăp lơh neh ai tơlik. Bè, kấp hơđơm geh bơyai lơh pơrjum dờng bơh nhai 4 nam do mờ lơh jơh lài mờ ngai 30 nhai 6 nam do. Đức Trọng kung rwah pơrjum dờng lơh tơrlòng lài là Đảng bộ xã Phú Hội (rcăng lơh tàm nhai 3 do) mờ pơrjum dờng lơh tơrlòng lài pồ tơn Bí thư là Đảng bộ Kuang àng kơnhoàl (rcăng lơh tàm nhai 4 nam do). Tu\ do, Đảng ủy xã Phú Hội mờ Đảng ủy kuang àng kơnhoàl kung neh sồr lơh gơs sră rơcăng cih jơnau yal, sră rcăng cih jơnau yal kấp ủy tơngai lơh broă bơh nam 2015- 2020, neh bơyai lơh ai jơnau đơs tă pơgồp bơh kuang bàng tờm mờ Ban chấp hành dê nàng yal tàm Pơrjum dờng. Bơdìh hơ\ tai, tus tu\ do ală chi bộ gơ wèt ală xã, thị trấn neh bơyai lơh pơrjum lơh tơrlòng lài, pơrjum dờng tơngai lơh broă, neh geh 90 tàm 293 chi bộ gơ wèt đảng ủy kấp hơđơm neh bơyai lơh pơrjum. Kấp kơnhoàl rcăng lơh pơrjum dờng Đảng tàm gùl nhai 8 nam do.

Bal mờ hơ\, broă rcăng ală sră rcăng cih sră nggal jun yal tàm pơrjum dờng kung gamgeh lơh sơrbac mhar ngan, mờ lơh niam ngan tơnơ\ tu\ ring bal ală jơnau sèng nền cê. Ban Thường vụ Huyện ủy neh sồr Mpồl lơh broă tơngume pơrjum dờng lơh jơnau yal chính trị bơh Đảng bộ kơnhoàl dê tơngai lơh broă bơh nam 2020- 2025; tàm hơ\, tơrgùm tàm tơn jơh lơh jăt Kơrnoăt Pơrjum dờng Đảng bộ kơnhoàl dơ\ 12, tơngai lơh broă bơh nam 2015- 2020, rwah gùng dà broă lơh, jơnau kờ`, kơnòl broă, gùng dà broă lơh tơngai lơh broă bơh nam 2020- 2025, mơkung bơyai lơh pơrjum geh gơrềng bal tă pơgồp jơnau đơs. Tus tu\ do, neh lơh gơs sră rơcăng cih jơnau yal mờ neh cih jơnau đơs tă pơgồp bơh Ban Thường vụ Huyện ủy, Ban Chấp hành Đảng bộ kơnhoàl dơ\ 3 dê; gam lơh niam wơl mờ bơyai lơh ai jơnau đơs nàng lơh gơs niam…

Kơnhoàl Đức Trọng kung bè ală mpồl đảng kơnă hơđơm sền dờng màng ngan lơh niam broă lơh yal tơngi\t, mblàng yal jơnau tềng đăp pơrjum dờng bơh uă broă lơh, bè tô ri, rơdio, sră báo, bùng bi, băng rôn, rùp lơh hô hơng…Di tu\ tam dră, kơryan ală jơnau đơs tìs ờ di, gơjra` kơuềng, sơmờm bơh bol iơh dê. Den tàng bè hơ\, neh lơh geh uă bơta pơneh niam mờ bơta sền gròi bơh làng bol dê bè pơrjum dờng. 

Broă lơh rcăng kuang bàng pơrjum dờng geh Huyện ủy Đức Trọng sền dờng màng ngan, sồr lơh niam ngan. Tàm jơh ală broă rcăng kuang bàng pơrjum dờng, kơnhoàl sùm lơh jăt ală jơnau sồr mờ jơnau bơto pơlam bơh kấp hơđang dê. Bơta ndai, broă lơh sền swì kuang bàng đơs bal (tàm 3 nam), kuơmàng là sền swì tơngai lơh broă gơ wèt mờ kuang bàng gam ăt gơnoar broă bơh kấp ủy dê kung geh Ban Thường vụ Huyện ủy sồr lơh jăt niam ngan, dùl bă song dơ pă loh làng, di bơta pal jăt mờ di jơnau sồr. Ồng Lê Hồng Khánh pà gi\t tai: Tus tơngai do, rơndăp broă lơh kuang bàng neh kờp sền jơh broă loh rơndăp tăp sèng lài, geh bal kấp kơnhoàl mờ kấp hơđơm mờ gam lơh rơndăp broă lơh kuang bàng nàng yal mờ Ban chấp hành in. Nam do, jăt jơnau sồr, khà kuang bàng bơh kơnhoàl Đức Trọng dê là 41 nă, pơndrờm mờ tơngai lơh broă lài gơmù 5%; Ban Thường vụ rcăng khà kuang bàng là 13 nă, Ủy ban Sền swì kờp du\ khà kuang bàng là 7 nă ủy viên. Tơngai mờr tus, Huyện ủy geh pơrjum Ban Chấp hành nàng lơh nền tus gơtùi khà kuang bàng, rơndăp tăp sèng, khà pơndrờm, bơnah kuang bàng tus bal. Tu\ do, kung gam lòt sền swì broă lơh rcăng pơrjum dờng tàm ală mpồl đảng kấp hơđơm sơl. Bơh lòt sền, pà go\, ală broă ndrờm gàr niam bè rcăng lài broă rơndăp tăp sèng, tơngume.

Pin dờn là, mờ broă lơh rcăng niam ngan, di tu\, di jơnau sồr, Pơrjum dờng Đảng bộ kơnhoàl Đức Trọng geh lơh geh cồng nha niam bơne\, lơh jăt di jơnau sồr, broă rơndăp lơh neh ai tơlik.

Jăt Báo Lâm Đồng- Cau mblàng Lơ Mu K’Yến