VOV4.K’ho- Đảng bộ xã Nam Dong, kơnhoàl Cư Jut, càr Dăk Nông là dùl tàm ală đảng bộ geh càr Dăk Nông rwah bơyai lơh pơrjum dờng lơh tơrlòng lài. Tơngai pa do, 29 chi bộ neh jơh lơh broă bơyai lơh pơrjum dờng ală chi bộ gơ wèt Đảng bộ xã Nam Dong, kơnhoàl Cư Jut, tơngai lơh broă bơh nam 2020- 2022. Lơh geh cồng nha do là kơnờm geh bơta đơng lam di tu\ bơh Huyện ủy Cư Jut dê, bơta lơh ngan bơh mpồl cau, bơta dùl nùs bal uă tàm kuang bàng, đảng viên mờ làng bol.

Jăt ồng Hoàng Văn Tám, Bí thư Đảng ủy xã Nam Dong yal, nàng bơyai lơh geh cồng nha pơrjum dờng tàm ală chi bộ, Đảng ủy xã neh mhar lam lơh ală broă lơh jơh nùs ngan, dùl ròt bal mờ tơrgùm đơng lam jơh nùs, di tu\ tàm uă gah broă, geh tơngume, loh làng, bơyai lơh pơrjum dờng lơh tơrlòng lài, ai jơnau bơsram mờng chài lài mờ tu\ bơyai lơh tàm uă tiah.

Tàm hơ\, lơh jăt chỉ thị, jơnau bơto pơlam bơh kấp hơđang dê, Ban Thường vụ Đảng ủy xã Nam Dong neh geh Broă rơndăp lơh bơto pơlam ală chi bộ rcăng mờ bơyai lơh pơrjum dờng jăt di jơnau sồr, bơta rơndăp tăp sèng, jơnau bơto pơlam bơh Dà lơgar, bơh càr mờ bơh kơnhoàl dê. Chi bộ thôn 6 bơh sơnrờp geh Đảng ủy xã Nam Dong rwah lơh pơrjum dờng lơh tơrlòng lài. Bal mờ 18 nă đảng viên, tàm hơ\ geh 5 nă đảng viên ùr, Chi ủy thôn 6 neh rcăng wil tơl sră rơndăp cih jơnau yal, kuang bàng bal mờ 3 nă oh mi mu\t tàm Ban Chấp hành khoá pa mờ neh geh Đảng ủy xã ring bal.

Tàm pơrjum dờng Chi bộ thôn 6, nùs nhơm bơh ală đảng viên tàm Chi bộ dê là duh hồl ngan, tă pơgồp uă jơnau đơs kuơmàng nàng rơhời bơ\t bơtàu mpồl đảng tàm tơngai lơh broă pa ngan ngồn sàng goh nàng kờ` pơn jăt tai à` ơnòng kơnòl broă chính trị kơn jơ\ kơn ju\t tàm [òn lơgar. Cồng nha bơh pơrjum dờng dê neh lơh jăt di tơngume, di jơnau bơto pơlam mờ rơndăp tăp sèng. Tơnơ\ tu\ Pơrjum dờng Chi bộ thôn 6 lơh geh cồng nha, Đảng ủy xã Nam Dong neh sồr 28 chi bộ kơnă hơđơm bơyai lơh pơrjum ai jơnau bơsram mờng chài mờ dùl ròt bơyai lơh pơrjum dờng tơn tàm kơnă hơđơm. Tus ngai 16/1 pa do, Chi bộ ling klàng là chi bộ du\t ndơl bơyai lơh pơrjum dờng mơkung geh lơh jăt di broă rơndăp lơh sơl.

Bơta geh ngan kung pà go\, ală chi bộ kơnă hơđơm ndrờm rcăng wil tơl broă lơh mblàng yal, rơndăp tăp sèng nàng lơh geh bơta niam mờ tềm pềr. Kuơmàng, tài bơh lơh niam broă rcăng kuang bàng lài mờ dơ\ pơrjum dờng den tàng broă lơh pồ kấp ủy, bí thư, phó bí thư mờ pồ kuang bàng lòt pơrjum dờng kấp hơđăng ndrờm geh lơh [ươn. Ală tu\ bơyai lơh te\ khà ndrờm lơh jăt di bơta rơndăp tăp sèng te\ khà tàm Đảng mờ cồng nha jăt di rcăng lài. Bè, kờp jơh khà kuang bàng kấp ủy neh geh pồ tàm pơrjum dờng ală chi bộ kơnă hơđơm là 40 nă, tàm hơ\, 4 nă kuang bàng bí thư, phó bí thư chi bộ ndrờm pồ pa, gam wơl là tơlik măt te\ khà tai.

Bơta pơnrơ tàm broă lơh đơng lam pơrjum dờng tàm kơnă hơđơm tàm xã Nam Dong, hơ\ là Ban Thường vụ Đảng ủy xã sùm lòt rềp mờ să tờm bơto pơlam, sồr ală chi bộ bơyai lơh pơrjum dờng. Sră nggal yal tàm pơrjum dờng geh cih nền nòn, tơngume geh cih tàm broă tờm. Tàm pơrjum dờng, ală kuang bàng ndrờm lời tu\ jiơ dipal nàng cribơyai, tă pơgồp jơnau đơs. Ală jơnau cih đơs tơrgùm lơh jăt tàm bơta geh ngan broă lơh đơng lam bơh kấp ủy kơnă hơđơm mờ ală broă mờ làng bol tiah he dê sền gròi, mơkung dan geh uă gùng dà broă lơh geh kuơ ngan, tă pơgồp jơnau đơs nàng kấp ủy tiah he dê, anih lơh broă in pơn jăt tai đơng lam lơh jăt geh cồng nha kơnòl broă chính trị bơh chi bộ dê tàm tơngai lơh kơnòl broă pa.

Nam Dong geh rwah là mpồl bơyai lơh pơrjum dờng lơh tơrlòng lài bơh kơnhoàl Cư Jut dê den tàng ală broă rcăng kung geh Đảng bộ xã Nam Dong lơh mhar rlau; nùs nhơm rcăng ai pơrjum dờng in geh lơh jal mhar ngan. Đảng ủy xã neh tơrgùm jơh nùs jơh tồr tàm broă lơh đơng lam, ătbồ, lam lơh jăt krà` cê jơh nùs ală kơnòl broă tờm jăt broă rơndăp lơh. Tơngume jơnau yal chính trị, broă lơh kuang bàng neh geh Ban Thường vụ Huyện ủy Cư Jut ki\ ring bal; broă lơh rơndăp tăp sèng kuang bàng, công chức, cau lơh broă ờ lơh kơnòl broă sùm tơnơ\ mờ tu\ tơmu\t bal geh lơh kơ\ kơl jăp; lơh gơs ală broă jàu gam wơl bơh Kơrnoat pơrjum dờng Đảng bộ xã dê.

Mìng is gơ wèt mờ broă lơh mblàng yal tàm ală ngai lài, tàm mờ tơnơ\ pơrjum dờng geh Đảng bộ xã sền dờng màng ngan, pơgồp bơnah lơh geh nùs nhơm chờ hờp, pin dờn tàm bơta lơh geh cồng nha bơh pơrjum dờng đảng ală kấp dê, jơh nùs tus bal tàm broă lơh rcăng ai pơrjum dờng in bè lơh jăt niam jơh ală jơnau sồr, gùng dà broă lơh bơh Đảng dê, kơrnoat boh lam bơh Dà lơgar dê.

Jăt Báo Dăk Nông- Cau mblàng Lơ Mu K’Yến