VOV4.K’ho - Tàm ală nam pa do, Công ty Điện lực Dak Nông neh mờ gam chồl pràn broă ngui khoa học công nghệ kờ` tơnguh uă cồng nha broă kă bro mờ bơta niam broă drơng cau nă in, di pal mờ broă kờ` bơh cau ngui ồs đèng, pơgồp bal tàm broă tơnguh uă cồng nha broă lơh mờ kă bro.

Mờ broă tam gơl do, Công ty Điện lực Dak Nông kơ\p kờ` geh pơgồp bal tàm broă tơnguh rùp rài mờ tơnguh nùs nhơm pin dờn bơh cau ngui dê gơwèt mờ gah lơh ồs đèng.

Mờ gùng dà broă lơh “{uơn tìp, [uơn tus bal mờ [uơn sền gròi” bơh nam 2017, Công ty Điện lực Dak Nông neh chồl pràn broă ngui công nghệ thông tin kờ` tơnguh uă bơta niam broă drơng cau ngui in, dong kờl cau ngui [uơn tìp mờ ală broă lơh tàm Công ty dê.

Jăt mờ hơ\, geh ai broă rơcang lài cau ngui in ngui ồs đèng, Công ty Điện lực Dak Nông gam geh sùm broă lơh bal mờ rơlao 155 rơbô nă cau ngui bơh điện thoại (geh 97% khà kờp cau ngui) mờ gơguh 22 rơbô 911 nă cau ngui pơn drờm mờ nam 2018.

Tàm 6 nhai bồ nam 2019 do, Công ty neh pơyoa rơlao 1 tơlăk 670 rơbô tin nhắn cau ngui in. Bơdìh hơ\ tai, kờ` dong kờl cau ngui geh uă broă rơwah mờ di gơlan geh tơm priă ngui ồs đèng tàm ală tu\, ală tiah, Công ty Điện lực Dak Nông neh pơgồp bal mờ ngân hàng tàm càr, Bưu điện càr Dak Nông mờ ală mpồl lơh broă tơrgùm priă ngui ồs đèng ndai kờ` geh uă broă lơh mờ bơtơl tai ală broă tơm priă ngui ồs đèng.

Lo\ Nguyễn Thị Hương, kis tàm thị trấn Kiến Đức, kơnhoàl Dak Rlấp pà g^t, di pơgăp nggùl nam do, ơla mờ broă dờp sră yal tơm priă ngui ồs đèng pah nhai mờ pal lòt tus tàm bưu điện jào priă ngui ồs đèng den lo\ dờp geh jơnau yal tus tàm điện thoại mờ priă ngui ồs đèng geh klah tơn bơh sră ngân hàng.

Broă tam gơl do dong kờl hìu nhă lo\ rơcang tàm broă tơm priă ngui ồs đèng mờ ờ gam gơtìp bơta roh sră yal tơm priă ồs đèng bè lài do tai.

-Lài do, a` pal tus hờ bưu điện den kal ke ngan là pal măi rơndeh lòt tus bưu điện, den tu\ do bơh ngân hàng den tu\ tus nhai, pah nhai gah lơh ồs đèng klah tơn priă bơh ngân hàng, [uơn rơlao. Tus nhai ngân hàng yal neh klah priă bơh tin nhắn điện thoại nàng he in g^t mờ [uơn rơlao.

Bal mờ broă dong kờl cau ngui tơm priă ngui ồs đèng, Công ty Điện lực Dak Nông gam chồl pràn broă ngui công nghệ thông tin tàm broă kă bro mờ broă drơng cau ngui in. Tàm khà ală broă ngui công nghệ, Công ty Điện lực Dak Nông neh lơh geh cồng nha ngan pal yal tus mờ broă crăp công tơ điện tử, broă tơrgùm kờp sồ công tơ bơh ngài RF-Spider…

Bi Phan Quốc Sĩ, kis tàm thị xã Gia Nghĩa pà g^t, broă lơh jăt công tơ điện tử dong kờl cau ngui mờ Công ty [uơn tàm broă lơh mờ di pal rơlao tàm broă cih sồ ngui ồs đèng cau ngui ồs đèng in.

-Broă công ty điện lực Dak Nông lơh jăt broă crăp jơ was ồs đèng điện tử a` go\ gơlơh [uơn uă bơta ngan, geh bal đah công ty kung bè cau ngui. Bè đah cau ngui ală tu\ cau lòt was khà ồs đèng geh ngui den cau ngui ờ tòm tàm hìu kung di sơl, ờ pal hào sền sồ công tơ điện lực Dak Nông cih di lah ờ.

Bè đah công ty den cau lơh broă mìng ntào bơh tàm tiah, ai phan điện tử bè phan sòl điện thoại geh g^t sồ ồs đèng ngui pah nhai ngui kàr lơi, tơnơ\ mờ hơ\ yal tơn mờ công ty. Tơnơ\ mờ hơ\ pơyoa tai tus mờ cau ngui bơh tàm email điện tử.

Broă di nùs bơh cau ngui neh pà go\ gùng dà broă lơh, broă tam gơl broă lơh bơh công ty dê. Kờp tus tu\ do, Công ty Điện lực Dak Nông neh crăp geh mờr 123 rơbô nơm công tơ điện tử.

Bi Trần Duy Hạp, cau lơh broă tàm phòng kỹ thuật, điện lực Gia Nghĩa gơwèt Công ty điện lực Dak Nông pà g^t, broă ngui công nghệ thông tin ờ mìng dong kờl cau lơh broă tàm công ty, mờ gam cèng geh uă bơta kuơ mùl màl tàm broă atbồ jơnau tơng^t cau ngui in, atbồ gùng che ồs đèng mờ tơnguh uă bơta niam, bơta pràn ồs đèng:

-Lài do tu\ công nghệ ờ hềt tơnguh bơtàu den tu\ kờ` geh khà kờp lơi pal ai cau tus sền mùl màl, tơnơ\ mờ hơ\, hơ\ sồng tơrgùm khà kờp mờ lơh ală gùng dà broă lơh kờ` lơh, gam tu\ do den geh ală broă ngui bè broă tơrgùm tơn tàm tiah lơh broă den gơtùi pờ tàm điện thoại kung di sơl, pờ măi tính kung di sơl den broă atbồ lơh broă kung ndrờm bè ală broă neh geh lơh lài, den tàng [uơn rơlao.

Ồng Nguyễn Văn Trình, Phó kuang atbồ gah kă bro Công ty Điện lực Dak Nông pà g^t, tàm tơnagi tus, kờ` chồl pràn rơlao tai broă ngui công nghệ thông ti tàm broă kă bro mờ broă drơng cau ngui in, Công ty Điện lực Dak Nông pơn jăt tai bơ\t bơtàu mờ lơh jăt rơndăp broă tơnguh bơtàu mờ ngui công nghệ thông tin tơngai bơh nam 2016 tus 2020 mờ wèt tus nam 2025. Tàm hơ\, Công ty tơl^k loh nền nòn, ală khà broă, rơndăp broă bơcri priă ai broă tơnguh bơtàu công nghệ thông tin.

Bơh tu\ hơ\ lơh mùl màl rơndăp broă tus tơl nam, tơnguh bơtàu ală broă ngui phan tus tơl gah broă, rơndăp broă bơcri priă pa, lơh niam broă lơh công nghệ thông tin, …pơgồp bal tàm broă lơh gơguh cồng nha broă lơh, gàr niam broă ai ồs đèng, geh sùm mờ niam ờ do ờ dă ai ală cau ngui ồs đèng in kờ` cèng geh bơta di nùs uă ngan cau ngui in.

Tàm ală nam tus, công ty neh lơh dùl broă bơcri priă ngui công nghệ thông ti tàm broă kă bro broă lơh mờ cau ngui. Jăt mờ hơ\, tơrgùm tàm ờ uă bơta tòm là, pơn jăt tai ngui công nghệ thông tin khoa học kỹ thuật tàm broă atbồ mờ lơh broă; bơcri priă lơh gùng che ồs đèng ngăc ngar, tàm hơ\ geh ală phan ngăc ngar di gơlan geh lơh broă bơh ngài.

Bơdìh hơ\ tai, geh ngui ală phan công nghệ pa; pơn jăt tai bơcri priă blơi công nghệ lơh niam wơl gùng che ồs đèng tu\ gam ồs đèng kờ` tơnguh uă bơta niam atbồ lơh broă, wèt tus khà bơdìh Asean dê. Tàm broă lơh cau ngui in, den pơn jăt tai bơcri priă mờ ngui ală công nghệ pa, ală phần mềm mờ ală phan tin học. Wèt tus drơng ală broă lơh cau ngui in mờ online. Ai geh bơta [uơn uă ngan cau ngui in.

Mờ ală broă lơh ngan tam gơl pa, tơnguh uă bơta niam broă kă bro, lơh broă mờ broă drơng ala, Công ty Điện lực Dak Nông neh ai broă kă bro mờ broă drơng cau ngui bơh công ty dê ngai sơlơ niam rơlao, geh cồng nha rơlao, ai geh bơta di pal mờ ală cau ngui, pơgồp bal tàm broă lơh geh nùs nhơm pin dờn mờ di pal mờ jơnau kơ\p kờ` bơh cau ngui dê.

    Cau mblàng Ndong Brawl