VOV4.K’ho- Drim òr 10/10, ồng Trịnh Đình Dũng Phó Thủ tướng Chính phủ tus bal Dơ\ bơyai lơh ai rơndeh in lòt rê tơngai dơ\ dùl broă lơh pờ ơnàng gùng pleh 3 hơđơm lơyah gơl gùng Mai Dịch- Rbàng Thăng Long, Hà Nội. Gơl gùng do jòng 5 kơi sồ nggùl, măt gùng koh ơnàng bơh 56 thơk là dùl tàm ală gơl gùng geh măt gùng koh ơnàng ngan rlau jơh Hà Nội tu\ do.

Rơndăp broă lơh bơcri priă pờ ơnàng gơl gùng pleh 3, gơl gùng Mai Dịch- Rbàng Thăng Long gơ ơm tàm sră cih mat broă lơh kuơmàng tơngai bơh nam 2016- 2020. Do là gơl gùng tờm tàm tơrbo\ gùng lòt bơh dơlam [òn dờng tus [làng rơndeh par dunia Nội Bài mờ tàm tơrbo\ bal ală tiah lơh sa mờ măy mok dờng bơh Hà Nội dê, tàm tơrbo\ bal ală càr tiah đah tô, đah tô măt tơngai lik lòt gan [làng rơndeh Mỹ Đình, Giáp Bát lòt tus tiah đah jum dà lơgar nàng pơndiang uă ngan năc, phan bơna đah 2 kơnhoàl ù tiah đah tô mờ đah jum dà dờng Hồng.

Cau mblàng Lơ Mu K’Yến