VOV4.K’ho- Drim do 6/9, tàm Tiah tờm pờ tơlik jơnau đơs Dà lơgar, hìu sồ 58, gùng Quán Sứ, [òn dờng Hà Nội, Anih Jơnau đơs Việt Nam bơyai lơh dơ\ jàu Khà jờng Jơnau đơs Việt Nam nam 2019.

Do là nam dơ\ 3, Khà jờng Jơnau đơs Việt Nam geh bơyai lơh tàm dơ\ tơngkah kir sơnrai ngai crơng gơs Anih Jơnau đơs Việt Nam ngai 7/9 pah nam. Khà jờng Anih Jơnau đơs Việt Nam nam 2019 neh dờp bơta bơta lơh jat bal bơh gi\t nđờ rhiang nă cau lơh báo dê mờ ală anih lơh broă tàm gùt anih jơnau đơs bal mờ ală tu\ sền swì sac rwah loh làng, song dơ pă, ring bal tàm jơh ală gah broă, ală mpồl cau, cau dùl nă să geh cồng nha jak ndrờm geh sền swì sac rwah.

Tàm dơ\ bơyai lơh jàu khà jờng dơ\ do geh 3 khà A, 6 khà B mờ 10 khà C geh jàu pà Bằng khen bơh Kuang atbồ dờng Anih Jơnau đơs Việt Nam dê. Do là dùl tàm ală broă lơh geh kuơ ngan nàng kờ` pơn jờng nùs nhơm lơh broă, tơngkah bơhiàn pơnrơ ngan bơh Anih Jơnau đơs Việt Nam dê- anih lơh broă mblàng yal jơnau dà lơgar neh lòt bal mờ jơi bơtiàn bơh ală ngai sơnrờp crơng gơs dà lơgar.

Cau mblàng Lơ Mu K’Yến