VOV4.K’ho- Drim do 3/12, tàm Hà Nội geh lơh Dơ\ bơyai lơh tơngkah 30 nam ngai crơng gơs Mpồl Cau ling yau Việt Nam 6/12 mờ Pơrjum dờng tàm pơrlòng kờ` gơboh dà lơgar dơ\ 6.

Dơ\ bơyai lơh tơngkah pơgồp bơnah kah wơl ală tu\ tơngai 30 nam bơ\t bơtàu mờ bơtàu tơnguh bơh Mpồl Cau ling yau Việt Nam dê, cih kah dà kơlhề bơh ală rơnàng kuang bàng, cau ling yau dê neh cih gơs ală pang sră kah yau khin cha jak chài, bơhiàn pơnrơ ngan bơh jơi bơtiàn dê.

Tơnơ\ dơ\ bơyai lơh tơngkah tơn geh lơh Pơrjum dờng Tàm pơrlòng kờ` gơboh dà lơgar Mpồl cau ling yau Việt Nam dơ\ 6, tơngai bơh nam 2014- 2019. Pơrjum dờng geh bơta tus bal bơh 520 nă cau dê ala mat ai ală kấp mpồl tàm gùt lơgar in tus bal pơrjum. 30 nam do, bulah tàm khăt bơta lơi gơlik geh, khăt tu\ tơngai lơi, ală rơnàng cau ling yau Việt Nam sùm gàr kơ\ mờ lơh jăt nùs nhơm, bơhiàn “Cau ling Wa Hồ” dê, tam klac bal, lơh ngan pơđơl pràn sơrlèt gan kal ke, bơta lòng, lơh gơs jak jơh ală kơnòl broă, bơ\t bơtàu Mpồl sàng goh, pràn kơldang ndrờm pal mờ kơnòl broă; đơs nền bơngă bơh dùl mpồl cau lơh broă chính trị- mpồl bơtiàn dê.

Cau mblàng Lơ Mu K’Yến