VOV4.K’ho - Drim òr (21/8), tàm Hà Nội, Đoàn TNCS Hồ Chí Minh ală càr, [òn dờng mpồl tiah ring dà dờng Hồng mờ ală mpồl ling bơyai lơh tơnkah 20 nam broă ơruh pơnu lơh broă nùs nhơm dong kờl is mờ pơrlòng Bí thư chi đoàn geh pơnrơ jăk lơh jăt jơnau Bác Hồ nam 2019.

Mpồl bơyai lơh neh pơn jờng 129 nă bí thư chi đoàn geh pơnrơ jăk bơh ală tỉnh, thành đoàn mờ ală mpồl ling.

Do là ală kuang bàng đoàn geh nùs nhơm kờ` gơboh mờ broă lơh, geh broă lơh bơnah broă bơceh pa tàm broă bơsram sră, lơh broă nùs nhơm dong kờl tài rài kis mpồl bơtiàn, là ală cau lam lài ơruh pơnu geh pơnrơ jăk tàm ală tiah, mpồl lơh broă tàm broă bơsram sră mờ lơh jăt nùs nhơm, ơnà jăk, broă lơh niam Bác Hồ dê.

Kung tàm drim òr (21/8), geh bơyai lơh ràng tơl^k mờ tơngu me “Bơta niam 20 nam broă lơh ơruh pơnu lơh broă nùs nhơm dong kờl is”.

Cau mblàng Ndong Brawl