VOV4.K’ho – Drim ngai 18/2, tàm Hà Nội, Bộ Quốc phòng Việt Nam pơ gồp bal mờ Bộ Quốc phòng lơgar Lào bơyai lơh dơ\ jàu Huân chương bơh dà lơgar Việt Nam mờ dà lơgar Lào dê. Đại tướng Ngô Xuân Lịch, dờp gơnoar geh jàu bơh Chủ tịch lơgar dê neh jàu Huân chương dờng màng bơh dà lơgar Việt Nam dê – Huân chương Độc lập khà dùl pà Đại tướng Chăn-xạ-mỏn Chăn-nha-lạt, cih dờp bơh Đảng, Dà lơgar, Bộ Quốc phòng mờ Làng bol Việt nam dê gơ wèt tus mờ dà kơl hề kuơmàng ngan, cồng nha jak ngan bơh Đại tướng Chăn-xạ-mỏn Chăn-nha-lạt dê tàm broă sơlơ tơnguh git gơp lơh bơyô dờng màng, tam klac kuơmàng mờ lơh broă bal tơl làm đah Việt Nam mờ Lào.

Đơs tàm dơ\ bơyai lơh, Bộ trưởng Bộ Quốc phòng Việt Nam, Đại tướng Ngô Xuân Lịch đơs nền, tàm ua\ nam do, lơh broă bal sền gàr dà lơgar đah ling klàng 2 lơgar pơn jat tai là tơngume kươmàng tàm git gơp lơh bơ yô ờs mờng, lơh broă bal tơl làm đah Việt Nam mờ Lào. Kung tàm dơ\ bơyai lơh sơl, Bộ trưởng Bộ Quốc phòng lơgar Lào neh jàu Huân chương bơh dà lơgar mờ Bộ Quốc phòng Lào dê pà Ling klàng làng bol Việt Nam mờ ală kuang đơng lam bồ, kuang atbồ ală anih lơh broă, mpồl lơh broă bơh Bộ Quốc phòng dê.

Cau mblàng K’Duẩn