VOV4.K’ho – Drim ngai 3/2, dơ\ tơngkah kấp dà lơgar 90 nam Ngai crơng gơs Đảng Cộng sản Việt Nam geh lơh yu\ rơ yùm tàm tiah tờm Pơrjum dà lơgar. 

90 nam do, lơh jat kơnòl kah yau dờng màng, Đảng neh đơng lam bồ làng bol he lơh geh ală cồng nha kuơmàng ngan. Hơ\ là kac màng nhai 8 nam 1945, crơng gơs dà lơgar Dân chủ nhân dân sơn rờp ngan tàm tiah đah jum mat tơngai lik châu Á; pờ gơs rài pa tàm kah yau jơi bơtìan – hơ\ là rài ngap lơngai is, khat gơboh mờ chủ nghĩa xã hội.

90 nam bơhìan yau pơn iờ să là bơnàng jă mờ là bơta chul chồl nàng Đảng he pơn jat tai lơh kơ nòl đơng lam bồ broă lơh bơt bơtàu dùl dà lơgar xã hội chủ nghĩa bơtàu tơnguh pràn kơldang, ndrờm bal mờ ală lơgar dờng pràn tàm làm gùt plai ù bè bơta kơp kờ` bơh Chủ tịch Hồ Chí Minh dê.

Broă lơh hơ\ sồr pal tơnguh bồ tơngoh jak, nùs nhơm pràn kơldang mờ pràn jak đơng lam bồ, at gơnoar bơh Đảng dê; lam lơh broă lơh bơt bơtàu, lơh niam Đảng tơl làm bè chính trị, nùs nhơm, bơyai broă, mpồl kuang bàng mờ broă lơh kuang bàng.