VOV4.K’ho- Drim ngai 26/12, tàm càr lơgar Vientiane, Đảng, Dà lơgar mờ Bộ Quốc phòng lơgar Lào dê neh bơyai lơh pơrjum dờng ngan Dơ\ tơngkah kir sơnrai 70 nam Ngai ling lòt lơh broă dong kờl is mờ cau mờng chài lơgar Việt Nam dê lơh jăt kơnòl broă dunia dong Kăc màng Lào.

Kuang bàng ala măt 2 lơgar dê tus bal dơ\ tơngkah kir sơnrai

Đại tướng Ngô Xuân Lịch, Ủy viên Bộ Chính trị, Phó Bí thư Quân ủy Dà lơgar, Bộ trưởng Bộ Quốc phòng Việt Nam lam bồ mpồl kuang bàng ala măt tàm hơ\ geh uă ngan kuang ling kấp dờng màng bơh Mpồl ling klàng làng bol Việt Nam dê tus bal dơ\ pơrjum do. Đơs tàm Dơ\ tơngkah kir sơnrai, Bộ trưởng Quốc phòng Việt Nam Đại tướng Ngô Xuân Lịch đơs nền gùng dà àng sơndah ngan bơh Đảng mờ Bác Hồ dê tu\ lơh nền crơng gơs mpồl ling lòt lơh broă dong kờl is mờ cau mờng chài lơgar Việt Nam dê nàng dong kăc màng Lào lam tam lơh mờ dong klàs jơi bơtiàn.

Nam nhai neh lòt rlau, mơya bơta pha lin dờng ngan bơh nùs nhơm tam klăc bal, tàm tơrgùm bal tam lơh dờng màng đah Việt Nam mờ Lào sùm sùm là jơnau đơs crih khin cha jak chài ờ tu\ lơi chơ\t, bơta pơrya àng gơcrà ngan bơh nùs nhơm khin cha jak chài kăc màng dê mờ gơ gơs là jơnau song bơh bơta pràn tam klăc bal dunia dê.

Hơ\ là bơnàng jă kơ\ kơl jăp ngan nàng 2 lơgar Việt Nam mờ Lào pơn jăt tai tơn bă pơnì bal, lòt bal bơtàu tơnguh mờ kơ\ kơl jăp cơnđoà jơng lòt tàm gùng lòt rài làng bol lơh tờm mpồl bơtiàn ring bal.

Cau mblàng Lơ Mu K’Yến