VOV4.K’ho- Tàm tiah nhàr lơgar Tây Nguyên dê, ală bơta bơsram sră kơnòm dềt in gam kal ke uă ngan, broă hòi jà ală oh lòt bơsram, gàr tơl mat kơnòm bơsram tàm ơdu\, tìp ờ dùl êt kal ke. Tàm bồ nam bơsram pa, lòt bal mờ gah bơto bơtê, ală mpồl ling lơh broă tàm tiah nhàr lơgar bơh Tây Nguyên dê gam geh uă broă lơh geh kuơ ngan nàng dong kơnòm lòt bơsram.

Broă lơh “Dong oh lòt bơsram” geh Gah đơng lam Mpồl ling sền gàr tiah nhàr lơgar càr Gia Lai dê lam lơh bơh tàm nam 2014. Jat mờ hơ\, ală Pôs đồng ling sền gàr tiah nhàr lơgar tàm gùt lơgar dờp ròng siam sền gàr ală kơnòm bơsram geh rài kis kal ke, dong ală sau nàng gàr broă bơsram. Ală ngai do, broă lơh rcăng ai nam bơsram pa in tàm tiah nhàr lơgar Ia O, kơnhoàl Ia Grai, càr Gia Lai dê gam geh jơh nùs ngan mu\t lơh.

Bè ờs bè ală dơ\ sơl, ală kuang bàng mờ cau ling pôs đồng ling sền gàr tiah nhàr lơgar Ia O, gơ wèt Gah đơng lam mpồl ling sền gàr tiah nhàr lơgar càr Gia Lai dê bal mờ ală cau pơgru bơh ală hìu bơsram dê tus bal tai hờ ală hìu bơnhă ală kơnòm bơsram dê nàng hòi jà, mblàng yal ală oh in rcăng ai nam bơsram pa in.

Jàu ală àu mpha pa, ală kong tàp pa ai ală kơnòm bơsram in, Thiếu tá Đinh Công Thông, Kuang atbồ Pôs đồng ling sền gàr tiah nhàr lơgar Ia O tơngkah ală mè bèp kơnòm bơsram in kah ngai bơyai lơh sơnđờm mu\t nam bơsram pa nàng jun kòn tus hờ hìu bơsram.

Thiếu tá Thông kung pà gi\t, Pôs đồng tu\ do gam dong kờl 6 nă kơnòm bơsram geh rài kis kal ke tàm broă lơh dong oh lòt bơsram. Ală sau geh ală kuang bàng, cau ling tàm pôs đồng sền ndrờm bè kòn ròng sơl:

Lơh jat gùng dà broă lơh bơh Gah đơng lam mpồl ling sền gàr tiah nhàr lơgar dê, bơh ală kấp, ală gah, bơh gơnoar atbồ tiah do dê, Pôs đồng ling bol a` dê bơh kờp sền tàm do den bol a` gam lơh broă lơh dong oh lòt bơsram ai 6 nă oh in. Bol a` pah nhai, pah poh ai jơh ală mpồl tus lùp sền kờ` gi\t broă gơlik geh nàng yal mờ Đảng ủy, Mpồl đơng lam pôs đồng in nàng geh ală bơta dong kờl di tu\ ai ală oh in.

Ngoh rơngăc tài bơh nùs nhơm bơh ală cau ling geh grăt tơlir dê, bi Kpuih Sâm, ơm tàm [òn Klong, xã Ia O, kơnhoàl Ia Grai, càr Gia Lai pà gi\t, bơklau chơ\t gờ`, să tờm bi kung gơtìp kue\t kơlte sơl, ờ jai nàng ròng siam ală kòn bơsram tus gùng tus dà. Bơtuah ngan tu\ bi geh ală kuang bàng, cau ling tàm pôs đồng ling sền gàr tiah nhàr lơgar Ia O dong kờl mờ dờp ròng siam sền gàr, dong kờl ală kòn bi dê tàm broă bơsram sră.

Tàm hơ\, kòn dềt ngan rlau jơh bi dê geh dong kờl bơh broă lơh dong oh lòt bơsram mờ do là bơta gơn kơnờm nàng sau lơh ngan pơđơl pràn, sơrlèt gan tàm broă bơsram sră, brồ guh tàm rài kis:

Kòn a` khai kờ` ngan bơsram, mơya hìu bơnhă den kal ke ngan. Bơtuah đau mờ geh mpồl ling sền gàr tiah nhàr lơgar dong kờl, kòn a` ờ gơtìp sơrbì bơsram. Sau kung chờ hờp mờ lơh ngan bơsram. A` chờ hờp ngan mờ a` geh lơh ngan jơh nùs ai sau in bơsram, nàng sau lơh jat jơnau kơ\p kờ` bơh he dê.

Lơh kơnòl broă tàm tiah nhàr lơgar, ală Pôs đồng ling sền gàr tiah nhàr lơgar tàm Gia Lai ndrờm ơm rềp mờ [òn lơgar mờ geh ală broă lơh geh kuơ ngan tàm broă lơh sền gàr tơl niam rài kis mpồl bơtiàn mờ broă lơh “Dong oh lòt bơsram” là dùl broă lơh mpờl go\ ngan. Bơta dong kờl bơh ală cau ling geh grăt tơlir dê kung dong geh kuơ uă ngan ai ală pơgru mờ ală hìu bơsram tàm tiah nhàr lơgar in tàm broă hòi jà kơnòm bơsram lòt bơsram.

Klau pơgru Ksor Linh, bơto tàm Hìu bơsram kấp dùl Bùi Thị Xuân, xã Ia O pà gi\t, kơnờm bơta lơh bal, dong kờl bơh mpồl ling sền gàr tiah nhàr lơgar dê mờ broă lơh gàr tơl mat kơnòm bơsram tàm ơdu\ geh niam rlau, cồng nha bơto bơtê rơhời geh tơnguh uă:

Bơh bơta dong kờl bơh pôs đồng ling sền gàr tiah nhàr lơgar Ia O dê dong ală kơnòm bơsram geh rài kis kal ke lơh geh bơta gơn kơnờm ai ală oh in lòt bơsram. A` go\ do là broă lơh geh kuơ ngan kờ` pal geh lơh uă tàm tiah sar lơgar ngài, tiah nhàr lơgar, lơh geh tai bơta gơn kơnờm nàng ală oh in lòt bơsram, lơh gơs niam broă bơsram.

Càr Gia Lai geh gùng nhàr lơgar jòng pơgăp 90 kơi sồ lòt gan 3 kơnhoàl, 7 xã tiah nhàr lơgar. Rài kis làng bol ală kòn cau dê tàm tiah nhàr lơgar kung gam kal ke uă ngan sơl. Bal mờ bơta lơh bal bơh ală cau ling geh grăt tơlir dê, uă kơnòm dềt tàm tiah nhàr lơgar bơh Gia Lai dê neh mờ gam geh tai bơta nàng lòt bơsram. Nam bơsram pa nam do, Mpồl ling sền gàr tiah nhàr lơgar tàm jơh gùt càr lơh jat broă lơh dong kờl ai pơgăp 50 nă kơnòm bơsram geh rài kis kal ke uă ngan in.

Jat Thiếu tá Nguyễn Văn Thành, Chính trị viên Phó, Pôs đồng ling sền gàr tiah nhàr lơgar Mpồng nhàr lơgar dunia Lệ Thanh dê yal, broă lơh dong oh lòt bơsram neh pơndờm pơnđiang di tu\ ai ală sau geh rài kis kal ke uă ngan in geh tai bơta pràn lơh ngan pơđơl pràn tàm broă bơsram sră, bơsram tàp nàng tơnơ\ do gơlik gơs cau geh kuơ ai [òn lơgar in:

Bol a` kung neh lòt sền, lơh broă rơndăp lơh, dong kờl 9 nă kơnòm bơsram geh rài kis kal ke uă ngan mờ geh nùs nhơm kơ\p kờ` mờ pơđơl pràn tàm broă bơsram sră. Broă lơh do, bol a` lơh bơh priă nhai bơh kuang bàng, cau ling tàm pôs đồng dê. Pah nam tu\ mu\t tàm nam bơsram pa, den dờp rò ală oh bơh nùs nhơm kờ` gơboh ngan rlau jơh, dong kờl ai ală oh in bơh àu mpha, sră cih, sră măy, phan ngui bơsram. Bol a` pơyua nùs nhơm tàm hơ\, kơ\p kờ` ală oh bơsram gơlik jak chài nàng tơnơ\ do geh rài kis niam rlau.

Cau mblàng Lơ Mu K’Yến