VOV4.K’ho- Tus tu\ do, Việt Nam neh ki\ 13 Hiệp định kă bro khat gơ boh rài pa (FTA). Nàng ngui ală tu\ tơngai niam tàm jơh ală Hiệp định kă bro do, mpồl lơh sa kă bro pal ngan ngồn rcang lài tus bal, g^t wă mờ lơh di pal. Mờ Hiệp định kă bro khat gơ boh Việt Nam mờ EU(EVFTA) pa geh ki\, jơnau sồr pal lơh hơ\ sơlơ uă rlau tai…

Việt Nam geh bơta pràn bè phan lơh geh bơh lơh sa suơn sre mờ phan bơna lơh geh bơh lơh sa suơn sre tăc mờ lơgar ndai, buơn lơh geh ală jơnau sồr bè jòi g^t tiah lơh gơlik dilah mpồl lơh sa dờng, wil tơl, di mờ broă lơh. Mơya tàm bơta geh ngan, phan lơh geh bơh gah lơh sa suơn sre Việt Nam dê ờ hềt lơh geh bơta pin dờn uă tàm drà kă bro châu Âu. Bè phan bơna kơphê là bơta pràn bơh Việt Nam dê, mơya tàm ală siêu thị, ờ geh uă cau ngui châu Âu rơ wah kờ` blơi kơphê Việt Nam.

Jat mò Miriam Garcia Ferrer, Kuang atbồ Mpồl lơh sa mờ kă bro - Mpồl kuang bàng ala mat Mpồl tam klăc châu Âu tàm Việt Nam dê đơs, kuơ màng ngan rlau jơh là mpồl lơh sa pal rcang lài jòi g^t Hiệp định, tơnguh broă lơh sa nàng di pal mờ jơnau sồr. Mò Miriam Garcia Ferrer đơs:

Bol a` geh ală bơta tơl khà bè bơta niam mờ ờ do ờ dă uă ngan tàm Mpồl tam klăc châu Âu mờ bol a` kơ\p kờ` ală công ty tăc phan mờ lơgar ndai tàm châu Âu ndrờm pal lơh jat bal. Bàr pe phan bơna bơh Việt Nam dê tu\ do ờ hềt tơl khà bơh châu Âu geh pal tơnguh uă mờ rcang lài. Bơta hơ\, geh pờ mpồng mut tàm drà kă bro châu Âu. Dilah lơh dipal jơnau kờ` bơh châu Âu dê, geh mut tàm châu Âu den gơ lơh bè mờr mut jơh tàm ală drà kă bro kal ke ndai.

                                Cribơyai bè tăc phan lơh geh bơh lơh suơn sre mut tam châu Âu

Tàm ală jơnau sồr nàng dờp geh bơta dong kờl koh tơrmù dia bơh ală FTA, tơnơ\ CPTPP, tus EVFTA kuơ màng đơs ngan kơrnoat pal jat tiah lơh gơlik phan bơna. Do là Hiệp định 2 gah đah Việt Nam mờ Mpồl tam klăc châu Âu dê den tàng kơrnoat pal jat do mìng ngui gơ wèt mờ phan bơna geh lơh bơh lơgar Việt Nam dê lơm. Bơta do sồr mpồl lơh sa kă bro pal sền ngăc là tàm phan bơna geh uă tiah lơh gơlik krơi is, geh bal ală bơnah phan geh blơi bơh lơgar ndai bơh uă tiah mờ pal kờp khà ală bơnah tàm tơl phan bơna dê tơl nàng lơh di pal mờ ală kơrnoat pal jat do.  Jơh 2 đah ndrờm sền do là bơta tờm ngan nàng rcang sơndră blăc pơr lồm kă bro, gàr niam bơta loh làng, song dơ pă mờ ring bal đah ală mpồl lơh sa kă bro dê tàm tu\ lơh gơlik phan mờ tăc mờ lơgar ndai.

Ồng Jean Jacques Bouflet, Phó Chủ tịch EuroCham Việt Nam pà g^t, EVFTA geh kơrnoat sền gàr niam rlau ai gơnoar geh ngui bồ tơngoh jak in, dờp sơn`io tiah lơh gơlik phan bơna mờ ală mpồl lơh sa kă bro châu Âu dê kờ` ai priă jền, ai công nghệ tus Việt Nam bơcri priă tàm broă lơh gơlik phan lơh geh bơh lơh sa suơn sre, gùng lòt pơn diang phan mờ logistic. Ồng Jean Jacques Bouflet tơngkah ală mpồl lơh sa Việt Nam in.

Hiệp định do geh dùl tăp bè bơtàu tơnguh kơ\ kơl jap kă bro mờ do là dùl bơta lòng sơn rờp gơ wèt mờ ală gah tăc phan mờ lơgar ndai bơh lơgar Việt Nam dê. Bol he pal lơh jat ală jơnau sồr, jơnau kờ` sền gàr tiah ơm kis, ală kơrnoat pal jat gơ rềng tus tiah lơh gơlik phan bơna mờ jòi g^t tiah tờm lơh gơlik, broă lơh jat kơnòl mpồl bơtìan bơh mpồl lơh sa kă bro dê, gàr niam ală bơta ờ do ờ dă ai cau lơh broă in. Ngan ngồn den cau ngui sa châu Âu sền gròi uă ngan tus broă do.

Việt Nam gam geh priă jơng kah kă bro uă ngan tàm EU. Tu\ do, drà kă bro do ơm dơ\ 3 bè tăc phan mờ lơgar ndai bơh Việt Nam dê. Mờ EVFTA, mpồl lơh sa kă bro Việt Nam geh tu\ tơngai niam jòi bơta kuơ bơh drà kă bro do mờ bơta rcang lài dờng pràn nàng lơh jat ală jơnau sồr bơh Hiệp định dê, ờ di sền hơ\ là bơta kơryan. Ồng Tạ Hoàng Linh, Vụ trưởng Vụ drà kă bro Châu Âu- Châu Mỹ, Bộ Công thương Việt Nam dê đơs ngan.

EVFTA ờ di tu\ tơngai niam tus mờ jơh ală cau. Tu\ tơngai niam mìng tus mờ bàr pe nă cau, bàr pe mpồl lơh sa kă bro, bàr pe tiah. Cau g^t ngui tu\ tơngai niam tàm gah lơh sa suơn sre ngan là ală mpồl lơh sa kă bro, lơh sa suơn sre công nghệ cao mờ ală tiah lơh gơs ală tiah lơh sa dờng. Tài bơh EU geh jơnau sồr nền cê ngan bè ală broă gơ rềng tus ờ do ờ dă mờ kloh niam phan sa, jòi g^t tiah lơh gơlik, atbồ bơta niam.

Đơs wơl là, nàng ngui niam tu\ tơngai mờ EVFTA cèng wơl, ngan là mpồl lơh sa kă bro pal rcang broă lơh sa, lơh jat ală jơnau cih bè lơh broă, di pal mờ jơnau kờ` phan bơna tac tàm drà kă bro châu Âu. Broă lơh cồng nha ngan rlau jơh là mpồl lơh sa kă bro pal rcang lài g^t tơngume lơh jat ală bơta cih tàm Hiệp định dê bơh ală cổng thông tin, jơnau yal bơh ală kuang bàng jak chài, bơh ală mpồl, tơnơ\ hơ\ g^t uă tàm ală tăp mờ ală bơta pơrgon krơi is ndai.

Cau mblàng K’ Hạnh