VOV4.K’ho- Tàm ală ngai lồi nhai 10 pa do, Mpồl lơh broă bơh Gah đơng lam Mpồl ling càr Dăk Nông, lơgar Việt Nam lòt còp, kham sơm kòp mờ pà sơnơm ờ sa priă ai làng bol xã Senmonorum, kơnhoàl Orăng, càr Mondulkiri, lơgar Campuchia neh lời wơl ală nùs nhơm jrô ơnàng ngan bè bơta gi\t gơ\p lơh bơyô bal. Ală broă lơh do pơgồp bơnah tơnguh tai bơta tam klac bal đah làng bol mờ mpồl ling bơh 2 lơgar dê jăt kềng 2 gah tiah nhàr lơgar, sơlơ lơh niam rlau tai bơhiàn tam klac bal đah Việt Nam mờ Campuchia.

Mò Nhơn Nhíp Phum Tạ Than là hìu bơnhă r[ah bơh xã Senmonorum, dùl xã r[ah bơh kơnhoàl Orăng, càr Mondulkiri, lơgar Campuchia. Mò neh mờr 60 sơnam mơya mò pal kis dùl nă să tàm dùl nơm hìu neh ồm sèt nhhăt dà mìu mờ ờ go\ geh cau pròc mhàm. Tềng đăp rài kis kal ke ngan do bơh mò dê, mpồl lơh broă bơh lơgar Việt Nam dê neh pà sơnơm mờ dong kờl dùl bơnah lơi dong mò lơh niam wơl hìu ơm nàng geh rài kis niam rlau.

Mò Nhơn Nhíp Phum Tạ Than ngoh rơngăc ngan yal bè do: Ưn ngài ngan Cau ling Việt Nam. Hìu a` r[ah ngan gơbờh, ồm sèt nhhăt dà mìu jơh, klam jơngo ngan, ờ gơtùi bi\c lơhă tài bơh mrềt noăt ir; kàl mìu den sùh jơh tài sơlo bluh. Ngai do geh cau ling Việt Nam lòt còp, kham kòp, pà phan, mờ dong kờl priă nàng lơh niam wơl hìu, a` chờ hờp ngan gi\t lơh.

Bulah tơngai lòt còp mờ kham kòp mìng geh lơh tàm 3 ngai lơm bơh ngai 26-28/10 pa do, mơya neh geh rlau 1 rbô nă làng bol xã Senmonorum geh ală bác sĩ ling klàng càr Dăk Nông kham kòp, pà sơnơm kờp priă kờp bal tơl sră sơnơm pơgăp 150 rbô đong. Bal mờ kham kòp, pà sơnơm, tàm dơ\ do, Gah đơng lam Mpồl ling càr Dăk Nông gam pà tai 150 bơnah phan tàm hơ\ geh phe mờ ală phan bơna ngui sa ndai tàm rài kis, tơl bơnah kờp priă là 500 rbô đong mờ jàu pà 50 tơlak priă ai 5 hìu bơnhă geh rài kis kal ke uă ir in nàng lơh niam wơl hìu ơm.

Mò Sôk Kum, Phó Chủ tịch kơnhoàl Orăng, càr Mondulkiri, lơgar Campuchia pà gi\t: Ala mat làng bol tàm Orăng, a` dan ưn ngài uă ngan bơta dong kờl jơh nùs jơh tồr bơh đah bơyô dê. Gah đơng lam Mpồl ling càr Dăk Nông neh lòt còp, kham kòp, pà sơnơm mờ pà phan ai làng bol xã Senmonorum in. Ală bơyô neh kham kòp, pà sơnơm mờ pà phan ai làng bol kơnhoàl Orăng in uă ngan dơ\, làng bol, bơh cau dờng tus cau kơnòm sền dờng màng mờ kờ` gơboh ngan ală cau ling tàm Dăk Nông.

Thượng tá Đặng Văn Tiến, Phó Chủ nhiệm Chính trị, Gah đơng lam Mpồl ling càr Dăk Nông pà gi\t, broă lam mpồl cau lòt còp, kham sơm kòp, pà sơnơm ai làng bol xã Senmonorum, kơnhoàl Orăng, càr Mondulkiri, lơgar Campuchia là dùl tàm ală broă lơh geh lơh sùm bơh mpồl ling càr Dăk Nông dê gơ wèt mờ càr Mondulkiri, nàng kờ` lơh jăt ngan ngồn ală tơngume lơh broă bal bơtàu tơnguh đah 2 lơgar. Ală broă lơh do pơgồp bơnah tơnguh tai bơta tam klac bal đah làng bol mờ mpồl ling 2 lơgar dê jăt kềng 2 gah tiah nhàr lơgar, sơlơ lơh niam rlau tai bơhiàn tam klac bal bơh yau đah Việt Nam mờ Campuchia.

Thượng tá Đặng Văn Tiến, Phó Chủ nhiệm Chính trị, Gah đơng lam Mpồl ling càr Dăk Nông pà gi\t: Do là gùng dà broă lơh mờ là dùl tơngume gơcèng bơta kuơmàng chính trị uă ngan bal mờ jơnau kờ` là tơnguh tai bơta tam klac bal đah làng bol, mpồl ling đah 2 dà lơgar jăt kềng 2 gah tiah nhàr lơgar. Bơh broă còp, pà phan, pà sơnơm, broă lơh kung tơnguh tai bơta tam klac bal ờs mờng bơh yau đah 2 dà lơgar Việt Nam mờ Campuchia. Dong ai bơta lơngăp lơngai chính trị tàm tiah nhàr lơgar ngan là bơta lơngăp lơngai [òn lơgar tàm tiah nhàr lơgar đah 2 lơgar dê ngai sơlơ kơ\ kơl jăp tai mờ gàr geh bơta ring lơngai.

Ală broă lơh bơto tơngkah kòn bơnus bơh ală cau lơh sơnơm gơ wèt Mpồl ling sền gàr tiah nhàr lơgar Việt Nam dê ờ go\ di mìng là dùl phan pà lơm gơ wèt mờ ală làng bol r[ah lơgar Campuchia dê mờ gam là bơta gơ tơngo\ loh làng ngan bè nùs nhơm tam klac bal đềt mềr, tam klac bal đah gơnoar ătbồ, làng bol mờ mpồl ling klàng bơh 2 lơgar dê, pơgồp bơnah bơ\t bơtàu tiah nhàr lơgar gi\t gơ\p lơh bơyô bal, lơh broă bal mờ ngai sơlơ bơtàu tơnguh.

Cau cih Hoàng Qui, cau mblàng Lơ Mu K’Yến