VOV4.K’ho – Lơh jat jơnau đơng lam bơh Thủ tướng Chính phủ mờ Bộ Quốc phòng dê, Gah đơng lam mpồl ling càr lơgar gam lam lơh broă rơndap lơh dờp sền gròi, tam cah is 950 nă cau bơh tiah geh kòp tus. Tus tu\ do, Gah đơng lam mpồl ling càr lơgar neh rơcang lài phan bơna, ma\i mok, cau lơh broă mờ ală phan ngui kươmàng nàng drơng broă sàu sa, ơm rlô bơh 950 nă cau tàm 14 ngai tam cah is in. Tàm tơngai tam cah is, dilah git go\ cau lơi duh să den geh jun tus ală hìu sơnơm nàng sơm di tu\.

Lài hơ\, jat jơnau đơng lam tàm sră nggal pơyua sồ 156 bơh Thủ tướng Chính phủ, ồng Nguyễn Xuân Phúc dê bè broă sơlơ tơnguh broă rơcang sơndră kòp as sồt gùng tă nhơm kơn jơ\ bơh jơi pa virus corona dê lơh gơbàn, Thủ tướng jàu Bộ Quốc phòng: đơng lam, pơ gồp bal mờ ală Bộ, ală càr geh mpồng nhàr dà lơgar atbồ nền nòn broă lik mờ mut hờ lơgar ndai, lòt rê gan mpồng nhàr dà lơgar. Mơkung đơng lam, pơ gồp bal mờ ală Bộ dờp cau Việt Nam rê hờ lơgar bơh tiah geh kòpmờ tam cah is tơr gùm bal 14 ngai, atbồ nền nòn jat jơnau sồr. Mpồl ling sền gàr tiah nhàr dà lơgar pơ gồp bal mờ mpồl ling sền gàr tiah nhàr dà lơgar sền gròi kơ\ gùng dềt, gùng sơne\.

Cau mblàng K’Duẩn