VOV4.K’ho – Drim do ngai 2/1, tàm Hà Nội, Tổng cục Lâm Nghiệp, Bộ Nông nghiệp mờ Phát triển Nông thôn tơn jơh kơnòl broă nam 2019, lam lơh jat kơnòl broă nam 2020. Nam 2019, gah Lâm nghiệp pơn jat tai tă pơgồp kuơmàng tàm bơta bơtàu tơnguh bơh gah Nông nghiệp mờ Phát triển Nông thôn dê, mờ cồng nha tac hờ lơgar ndai phan lơh bơh dơm chi mờ phan brê geh 11 tơmàn 200 tơlak dolar Mỹ, gơguh 5% bơta kuơ lơh geh pơn drờm mờ nam 2018. Khà jơm glòm brê mờ tam brê ndrờm gơguh ua\ pơn drờm mờ bal tu\ nam lài hơ\ dê. Cồng nha do là kơnờm gah do neh lam lơh jat jơh nùs kơ nòl broă geh jàu, sơlơ pơ gồp bal mờ ală mpồl lơh broă, ală tiah mờ cribơyai mờ kuang đơng lam Bộ ală broă lơh đơng lam di tu\ tàm gah Lâm Nghiệp.

Wèt tus jơnau kờ` 12 tơmàn 500 tơlak dolar Mỹ bơta kuơ lơh geh tac hờ lơgar ndai phan lơh bơh dơm chi mờ phan brê; khà jơm glòm brê geh 42% tàm nam 2020, gah Lâm Nghiệp pơn jat tai tơr gùm sền gàr mờ bơtàu tơnguh kơ\ kơljap gơ wèt tus mờ 100% bă brê gam geh tu\ do; sơlơ tơnguh broă sền gàr brê mờ rơcang sơndră, crùh ồs sa brê; kơryan mờ bơsong di tu\, geh cồng nha ală broă lơh lơh tìs jơnau cih bơh adat boh lam dê bè Lâm Nghiệp.

Cau mblàng K’Duẩn