VOV4.K’ho- “Sơn dră kòp bè tam dră mờ bol sò tơm”, bulah tàm gơnoar broă lơi, lơh broă lơi, tơl nă cau tàm mpồl rcang sơn dră kòp Covid-19 gam lời ing wơl rài kis lơh broă is, ai jơh pràn kơl dang să jan he dê lơh niam kơnòl broă geh jàu. Bal mờ broă lơh jat niam ală broă sơn dră kòp, bơta lơh ngan bơh mpồl kuang bàng lơh sơnơm dê là sơnơm tơm [a nùs nhơm kuơ màng uă ngan nàng ală mpồl ndai in iang nùs at tê bal kơryan kòp.

Gùl trồ ngai, trồ tơngai duh bè ồs sa, tàm anih ală gah lơh broă sơn dră kòp tàm Tâm Thắng, kềng gah k[àng ơn ing kềng gùng dờng sồ 14, Bác sĩ Đỗ Thị Tâm, Kuang atbồ Anih tờm hìu sơnơm kơnhoàl Cư Jút, càr Dak Nông dê, cih wơl nền nòn ngan tơl nă cau yal tiah lòt rê.

Ală y bác sĩ gam lời ing wơl bơh ngkời rài kis is he dê nàng at tê bal rcang sơn dră kòp

Ào blouse kò gơ gơs dà ù pơr hê, bìng liêng bềng dà kơl hề, bi kung gam chờ hờp, pin dờn là kòp do geh gờ` lòt gan nàng broă lơh geh gơ gơs bè ờs wơl.

-Oh lơh broă tàm anih kơryan kòp bơh ngai sơn đờm lam lơh tus dì tu\ do, là bơh ngai 2/4. Oh lơh tàm trồ ngai den kung gal ngan cau. Kung geh dùl ết jơnau kơ lôi rơngòt sơl mơya he geh phan dong kờl niam là niam bloh. Mờ dilah mờ yal niam, sền gròi niam den he kung ờ duh pal kơlôi uă ir, do là broă lơh bơh a` dê mơ kung là kơnòl a` dê sơl.

Gơ wèt mờ Bác sĩ Phạm Văn Hậu, neh rlau 1 nhai do ơm lơh broă sùm tàm tiah ơm yah tam cah is rcang sơn dră kòp Covid-19 càr Dak Lak dê. Bơh tàm điện thoại, bi đơs, g^t nđờ jơ\t nam đềt mềr mờ broă lơh rcang sơn dră kòp, mơya pal lơh broă mờ kòp dờng bơtờp uă gùt plai ù bè kòp Covid-19 dơ\ do là kơn jơ\ kơn ju\t uă ngan mờ bi kung sùm lơh ngan jơh nùs nàng pơgồp bal bơta pràn lơh gơs kơnòl broă. 

 -A` bau lài mờ tu\ mut lơh broă rcang sơn dră kòp, hơ\ là pơ ùr kung neh kuèng mờ broă lơh a` dê sơl. Bơh nam 1998 tus nam 1999, kòp hạch halà khat dùl bơta kòp lơi tàm càr Dak Lak do den kơno đơs tus lòt rcang sơn dră kòp den hìu bơnhă ờ kơlôi rcang bơta lơi sơl. Mìng ờ kờp broă kòp Covid-19 do bơtờp tàm uă tiah mờ jơnau yal uă ir den pơ ùr mờ kòn kung kơlôi rcang ngan sơl mờ sùm tơngkah pal lơh niam. Broă lơh den a` jơh nùs lơh. A` ờ ơm tàm hìu den tơl broă lơh neh geh rcang lài jơh lơm.

Ờ ơm rềp bơh bơr rềp tơn mờ cau pin bơtờp kòp, broă lơh pah ngai bơh bi Trịnh Thị Hồng Hạnh, chuyên viên khoa Virus, Viện vệ sinh dịch tễ Tây Nguyên là broă lơh ngòt rơngơt\ ngan, hơ\ là broă xét nghiệm mẫu ală cau pin bơtờp kòp Covid-19 bơh 4 càr: Kon Tum, Gia Lai, Dak Lak mờ Dak Nông pơyoa tus. Ờ mìng virus Sars- CoV-2 lơm gời, tàm anih lơh broă do gam lơh xét nghiệm g^t nđờ jơ\t bơta kòp bè gùng tă nhơm, khà mẫu xét nghiệm uă ngan, mơya kơlôi tus digơlan kòp bơtờp den bi mờ ală cau lơh broă bal sùm lơh ngan lơh gơs broă lơh sơr băc mhar, lơh di mờ di tu\ drơng broă sơn dră kòp.

-Să tờm ndrờm lơh tàm gah ờ do ờ dă sinh học lơm ờ lơh tàm bơdìh. Dơ\ bà r là rcang phan sền gàr is den gàr niam. G^t nđờ bơta aniai, geh bal kòp nggùh H5, 33 bơta kòp bè gùng tă nhơm ờ ơg go\ di mìng is virus Sars- CoV-2 lơm, mơya cau lơi kung pin dờn lơh broă. Lơh jơh den sồ siă pal tuh sang mơ, bè nùs nhơm den ờ hềt geh cau lơi kơlôi sơnơng bơta lơi.

 “ Sơn dră kòp bè tam dră mờ bol sò tơm”, bulah tàm gơnoar broă lơi, lơh broă lơi, tơl nă cau tàm mpồl lơh broă rcang sơn dră kòp tàm Tây Nguyên đơs is mờ gùt lơgar đơs bal gam lời ing wơl bơh ngkời rài kis is he dê, ai jơh bơta pràn jak nàng lơh niam kơnòl broă geh jàu. Bal mờ broă lơh jat niam ală broă lơh sơn dră kòp, bơta tryang tryồng jơh nùs bơh mpồl kuang bàng lơh sơnơm dê là sơnơm tơm [a nùs nhơm kuơ màng ngan nàng ală mpồl ndai in iang nùs bal tàm broă lơh rcang sơn dră  kòp.

Bulah bè hơ\, tàm dơ\ tam dră mờ kòp Covid-19, kờ` jai pha jơh den kờ` ngan geh bơta dùl nùs bal bơh jơh tơl nă làng bol dê. Tus bal mờ anih kơryan kòp, sền gròi gah lơh sơnơm càr Dak Lak dê tàm gùng dờng sồ 14 gơl rơbàng 110, rềp nhàr bal mờ càr Gia Lai, bác sĩ Trần Thanh Việt, kơ\p kờ`.

-Tu\ do, kung gam bàr pe nă làng bol ờ lơh jat di mờ jơnau sồr, lòt tàm gùng ờ glòm muh mat mờ chèo, bol a` tơngkah den lơh muh mat ờ niam nùs. Geh bàr pe nă cau dùl nă să is ờ dùl nùs lơh broă bal. Hơ\ là dùl tàm ală bơta kal ke mờ oh mi tàm mpồl lơh broă tàm anih kơryan kòp do tìp. Kung kơ\p kờ` làng bol geh bơta g^t wă bal sền gàr să tờm he dê mờ sền gàr mpồl bơtìan in.

Cau cih Công Bắc- cau mblàng K’ Hạnh