VOV4.K’ho - Ngai òr (21/1), Mpồl kuang bàng lơh broă bơh Bộ Công thương neh tus sền gròi broă rơcang gàr niam ồs đèng di tàm satềp Canh Tý 2020 tàm ờ uă anih biến áp dờng, kuơ màng.

                                                                      Gàr tơl ồs đèng ngui di tàm satềp

Jăt jơnau yal bơh Tập đoàn Điện lực Việt Nam (EVN) yal, bơh nggùl nhai 12 nam 2019, EVN neh geh jơnau sồr ală mpồl lơh broă bal lơh mờ lơh jăt rơndăp broă, gàr niam ồs đèng ai broă lơh sa mờ ngui di tàm satềp.

Mờ EVN kung neh bơyai lơh ai ală mpồl kuang bàng tus sền gròi broă rơcang tàm ală mpồl lơh broă. Ngai 20 nhai 1 lài do, EVN kung neh pơrjum pờ tơl^k tơn tàm internet mờ ală mpồl lơh broă bal tàm gùt lơgar, sền wơl broă gàr niam ồs đèng di satềp.

Tus tu\ do, jơh ală mpồl lơh broă neh rơcang ală gùng dà broă lơh kờ` gàr niam ồs đèng drơng satềp Canh Tý 2020.

Cau mblàng Ndong Brawl