VOV4.K’ho – Càr Gia lai pơn jat tai chồl pràn broă lơh rơcang sơndră kòp Covid-19, kươmàng là tàm ală hìu bơsram. 

Bulah bè hơ\, phan bơna, dà sơnơm loh kloh khuẩn, gàr niam “hìu bơsram pal ờ do ờ dă rlau anih lơh broă” tu\ kơnòm bơsram lòt bơsram wơl, gam là broă ờ hềt geh gùng dà broă lơh bơsong.

Jat Sở Giáo dục mờ Đào tạo càr Gia Lai pà git, tus tu\ do, jơh 827 hìu bơsram, bơh mầm non tus trung học phổ thông tàm càr ndrờm gàr sùm broă gàr kloh niam hìu bơsram jat tơngai pơrgon, gàr niam ală hìu bơsram, ơdu\ bơsram, hìu jă brê sàng kloh, rơcang dờp kơnòm bơsram lòt bơsram wơl. Mơya broă gàr niam lơh kloh khuẩn tàm hìu bơsram tu\ kơnòm bơsram lòt bơsram wơl kung gam ờ hềt geh gùng dà broă lơh bơsong sơl.

Kuang đơng lam bồ Sở Giáo dục mờ Đào tạo càr Gia Lai mờ kung là kuang geh jơng bơh mpồl đơng lam rơcang sơndră kòp Covid-19 bơh càr dê pà git, tàm drà kă bro tàm càr tu\ do ờ gam dà sơnơm lơh kloh khuẩn, ală hìu bơsram ờ geh dà sơnơm is. Tàm dơ\ pơrjum bơh Mpồl đơng lam kấp càr bè rơcang sơndră kòp do, Sở kung neh đơs bơta geh ngan, mơya tu\ do ờ hềt jòi geh broă lơh.

Cau mblàng K’Duẩn