VOV4.K’ho- Tus tơngai do, ală mpồl Đảng mờ bàr pe Đảng bộ gơ wèt Tỉnh ủy tàm càr Gia Lai neh bơyai lơh geh cồng nha pơrjum dờng tơngai lơh broă bơh nam 2020- 2025. Bàr pe mờng chài neh geh ai bơh ală dơ\ pơrjum dờng neh geh bơyai lơh, tàm hơ\ lơh jăt niam ală jơnau sồr, jơnau pơlam bơh Dà lơgar mờ Đảng ủy kấp hơđang dê; rcăng nền bè kuang bàng; bơsong di tu\ ală broă pa gơlik geh, lơh geh anih mpồl bơtiàn niam bơne\, kơ\ kơl jăp bơta pin bơh kuang bàng, đảng viên mờ làng bol dê…geh sền là ală tơngume kuơmàng.

Đảng bộ xã Uar, kơnhoàl Krông Pa là 1 tàm 46 mpồl Đảng tàm càr Gia Lai geh rwah bơyai lơh pơrjum dờng lơh tơrlòng lài pồ tơn bí thư. Tàm rơndăp broă kuang bàng bơh pơrjum dờng dê, ồng Hà Xuân Mạnh, Bí thư Đảng ủy xã tơngai lơh broă bơh nam 2015- 2020, tơlik măt te\ khà tai tơngai lơh broă bơh nam 2020- 2025. Ồng Hà Xuân Mạnh pà gi\t, mờng chài bơyai lơh pơrjum dờng tơngai lơh broă bơh nam 2015- 2020, pơn jăt tai geh đòm jăt tàm pơrjum dờng dơ\ do. Mờng chài hơ\ geh ơn jơh tàm jơnau đơs: di bơta pơlam, di broă rơndăp tăp sèng, ngan là bè kuang bàng. Ồng Hà Xuân Mạnh, đơs: Đảng ủy xã lam lơh jăt bơta pơlam bơh Dà lơgar tus ală kấp ủy kấp hơđang dê den tàng bè hơ\ pơrjum dờng lơh tơrlòng lài pồ tơn bí thư den bol a` rcăng lài broă kuang bàng lơh krà` cê ngan bơh ală oh mi tơlik măt te\ khà tai tus dì oh mi dơ\ sơnrờp tơlik măt te\ khà lơh jăt di broă rơndăp tăp sèng 5 bơta bơh chỉ thị sồ 35 dê.

Kung jăt ồng Hà Xuân Mạnh sơl, bè kuang bàng geh tơl nùs nhơm niam, broă lơh jak, bal mờ jơnau pal geh tơl bè bồ tơngoh jak, sră cơng tàng bơsram sră, den pal jăt tàm cồng nha lơh broă. Bè tàm xã Uar, sền wơl broă lơh sa- mpồl bơtiàn tơngai bơh nam 2015- 2020 pà go\, uă bơta àng. Kuơmàng, khà hìu bơnhă r[ah jơh gùt xã neh gơmù bơh 41,5% nam 2015 gơmù gam 6,1% tàm nam 2020; broă lơh bơ\t bơtàu [òn lơgar pa neh bơtàu tơnguh dùl broă dờng, lơh gơs geh 14 tàm 19 broă. Bơta do pà go\, bơta lơh ngan pơđơl pràn bơh mpồl kuang bàng kấp ủy mờ jơh gùt đảng bộ dê. Hơ\ kung là jơnau kuơmàng nàng pơrjum dờng cồng nha, bal mờ 11 nă ủy viên mờ bí thư đảng ủy xã, geh pồ bal mờ khà sră pồ bơh 85% rlau hơđang.

Tàm kấp kơnhoàl, Đảng bộ kơnhoàl Đăk Đoa kung geh cồng nha mờ Pơrjum dờng lơh tơrlòng lài pồ tơn bí thư. Ồng Nguyễn Hữu Thọ, Bí thư khoá 16, tơngai lơh broă bơh nam 2015- 2020 pơn jăt tai geh pơrjum dờng pin dờn pồ ăt gơnoar broă Bí thư Huyện ủy tơngai lơh broă pa. Bơta geh ngan pà go\, nggùl tơnơ\ tơngai lơh broă bơh nam 2015- 2020 lơh sa- mpồl bơtiàn kơnhoàl Đăk Đoa dê kong gơrềng uă bơh tam gơl trồ tiah dê mờ priă kă bro phan lơh geh bơh sươn sre. Kuơmàng bơta lung lơtăng bơh phan bơna tiêu mờ kơphê dê neh lơh uă thôn, [òn tàm kơnhoàl gơ ơm tàm bơta kal ke; mpồl cau jòi blơi ù tiah, hìu đam geh làm bă tiah kung lơh uă tam gơl bè lơngăp lơngai ờdo ờdă, gơrềng dùl bơnah lơi tus cồng nha lơh jăt Kơrnoat Pơrjum dờng dơ\ 16. Mơya, ală tu\ bơsong kal ke, bơsong di tu\ ală dơ\ broă mờ broă pa gơlik geh, neh dong kơnhoàl săc rwah kuang bàng ai pơrjum dờng dơ\ 17 in, tơngai lơh broă bơh nam 2020- 2025.

Ồng Nguyễn Hữu Thọ đơs nền, cồng nha bơh pơrjum dờng dê là ngan ngồn, tu\ broă rcăng lài là geh lơh niam ngan: Jơnau gơ sồr là pal rcăng lài nền jơh bal bè tơngume mờ kuang bàng, tàm nùs nhơm dùl nùs bal, di broă rơndăp tăp sèng, di jơnau sồr. Kuơmàng tàm hơ\ đơs uă bơta dùl nùs bal, nàng lơh geh bơta pin dờn tàm đảng bộ mờ làng bol. Bè kuang bàng, bol a` sac rwah ală oh mi lơh geh tơl ală jơnau sồr bè bồ tơngoh chính trị, nùs nhơm, rài kis oh mi hơ\ dê mờ ală jơnau sồr bè bồ tơngoh jak chài tàm broă lơh mờ ală bồ tơngoh jak chài ndai nàng dờp ai lơh broă tàm ală gơnoar broă lơh bè lơi nàng gơ in dipal ngan mờ gơtùi dờp ngan. Den tàng broă pồ Ban Chấp hành geh khà geh pồ mờ khà sră pồ là uă ngan.  Oh mi pồ êt ngan rlau jơh kung lơh geh 95,56% sơl, uă oh mi lơh geh khà sră pồ 100%.

 Pơrjum dờng cau ala măt Đảng bộ [òn dờng Pleiku

Mờ broă rcăng lài nền nòn ngan, lơh jăt niam broă rơndăp tăp sèng, bơta pal jăt mờ ală bơta pơlam, tus ngai 8/8 pa do, jơh 956 mpồl Đảng mờ rlau nggùl khà Đảng bộ kấp kơnhoàl tàm càr Gia Lai, ndrờm geh cồng nha bơyai lơh pơrjum dờng tơngai lơh broă bơh nam 2020- 2025. Jăt Tỉnh ủy Gia Lai yal, mờng chài ai geh bơh ală pơrjum dờng pa bơyai lơh là ală kấp ủy đảng neh đơng lam niam broă bồ tơngoh chính trị tàm kuang bàng, đảng viên; lơh pràn broă lùp sền, sền swì, gròi sền, bơsong yal yă. Den tàng bè hơ\, tàm ală tu\ rcăng lài mờ geh lơh pơrjum dờng bơh kấp hơđơm rlau hơđang neh lơh geh bơta dùl nùs bal bơh kuang bàng, đảng viên mờ làng bol dê ală broă đơng lam, sồr lơh bơh Huyện ủy dê.

Mờ ală Đảng bộ gam wơl, Tỉnh ủy Gia Lai sồr pal tơrgùm jơh nùs jơh tồr ai broă lơh sền gàr chính trị dơlam is in, bơsong mhar mờ geh cồng nha gơ wèt mờ ală broă mpồl bơtiàn pa gơlik geh. Jăt ồng Trần Đình Hiệp, Phó Ban Tuyên giáo Tỉnh ủy đơs, nàng lơh geh jơnau sồr pa yal, broă gi\t geh jơnau yal di tu\, rcăng lài jơnau yal mblàng yal loh làng, ờ ndơ\p mpồn, song dơ pă, di mờ kơrnoat boh lam, là broă lơh geh cồng nha.

Ồng Trần Đình Hiệp, đơs: Bol he pal mblàng yal nàng ală cau mờng geh sùm sră yal yă cau ờ gơtùi cih tìs. Bàr pe nă cau đơs bu ba den bơsong gơ, mờ pal loh làng ờ ndơ\p mpồn, ring bal mờ di mờ kơrnoat boh lam.

Jăt broă rơndăp lơh, jơh ală đảng bộ gơ wèt Tỉnh ủy gam wơl tàm Gia Lai den geh bơyai lơh jơh pơrjum dờng tàm nhai 8 do. Mờ broă đòm jăt mờng chài bơh ală pơrjum dờng neh geh bơyai lơh cồng nha, sền dờng màng sền gàr chính trị dơlam is, mblàng yal rcăng lài mờ di tu\ bè cồng nha lơh sa- mpồl bơtiàn bơh tiah he dê, bè jơnau sồr, bè gùng dà, broă dong kờl bơh Đảng mờ kơrnoat boh lam dà lơgar dê, bơsong di tu\ ală jơnau yal yă, càr Gia Lai gam lơh geh nùs nhơm dùl nùs bal tàm làng bol, chờ hờp chờ hờ` tàm jơh gùt càr, lơh geh bơnàng jă ai Pơrjum dờng ală Đảng bộ gơ wèt bal in mờ pơrjum dờng Đảng bộ càr in lơh geh cồng nha.

Cau cih Dương Đình Tuấn- Cau mblàng Lơ Mu K’Yến