VOV4.K’ho- Tă gi\t nđờ rhiang tơlak priă nàng blơi ù tàm ală rơndăp broă lơh [òn làng bol ơm kis tàm [òn dờng Pleiku, càr Gia Lai dê mơya ờ gơtùi lơh hìu đam, ờ dờp geh sră sră ngui ù tiah, dùl bă ù tăc ai uă cau in gơlam tus bơta tam pìt tam phà. Hơ\ là bơta muăt jrùm ngan bơh uă ngan làng bol dê tàm càr Gia Lai. Jơnau sơrlồng sơrlàng tàm tu\ lam lơh ală rơndăp broă lơh ù tiah hìu đam gam lơh gơrềng tus muh mat, rơndăp ù tiah bal bơh [òn dờng kơh bơnơm Pleiku dê.

Nam 2009 lài do, kơno yal Công ty TNHH Kă bro Quang Vinh I càr Gia Lai (hòi lơyah là Công ty Quang Vinh I) tăc rơndăp broă lơh tiah hìu ơm Phú An (xã Diên Hồng, [òn dờng Pleiku), hìu bơnhă ồng Nguyễn Hữu Quốc (ơm tàm sơnah [òn Diên Hồng, [òn dờng Pleiku) lùp dan blơi 2 bă, kờp priă là 480 tơlak. Sră pơrgon đah 2 gah là sră pơrgon tăc hìu, mơya tàm bơta geh ngan, priă ồng Quốc jàu là priă ù bơnàng lơh hìu mờ pal tă is priă lơh hìu jăt rơndăp lơh bơh mpồl lơh sa kă bro dê ai. Sơlơ\u wơl, Công ty Quang Vinh I hơ geh lơh gơs phan bơna pal geh nàng cau năc in ơm kis lòt rê [ươn [oài.

Mơya, uă nhai, uă nam lòt gan, tài bơh sền go\ phan bơna rơndăp broă lơh ờ hềt geh lơh jăt di bè jơnau hơ, den tàng ồng Quốc ờ hềt lơh hìu. Nam 2016, hìu bơnhă ồng dờp geh sră sồr tơn jơn sră pơrgon bơh Công ty Quang Vinh I. Jơnau đơs là tài bơh ồng Quốc neh rlau ir tơngai ai hơ pơrgon lơh hìu. Ngòt roh ù, ồng Quốc tus tàm anih lơh broă công ty do dê cribơyai tơn jo\ tơngai ai lơh hìu tus nhai 7/2017 mờ geh cau lơh broă tàm công ty dờp mờ sră nggal. Mơya, nhai 9/2016, ồng Quốc nrơ\t ndơl sền go\ mpồl lơh sa kă bro neh tăc bă ù bơh he dê ai dùl nă cau ndai in bal mờ khà priă jơnhoa rlau tus 3 dơ\ mờ priă ồng neh tă blơi.

Ồng Nguyễn Hữu Quốc, đơs bè do: Khi wa\c rùp ù tiah rơndăp broă lơh hìu tăc ai cau geh priă jền ờ uă in, geh hìu ròng kòn dềt, geh hìu sơnơm, geh tơl bơta, a` lùp is mơya tăc ù mơya ờ mìng ù lơm, den mbè gơtùi mờ gi\t lơh. 400 hìu làng bol mìng geh sơntèk dà 2 rbô lit lơm. Bơh ngkời ờ go\ cau lơi gi\t, cau A ờ gi\t cau B, dùl bă ù khi tăc mờ 2 tus 3 nă cau in.

Jơnau bơh hìu bơnhă ồng Nguyễn Hữu Quốc dê ờ go\ di là mìng is lơm ờ. Tus tu\ do, Công ty Quang Vinh I neh pơyua sră yal sră tơn jơh sră pơrgon tus mờ rlau 100 nă cau blơi ù, uă ngan là năc blơi ù măt gùng dờng, tiah khà priă ù gơguh jăt pah ngai. Jăt mờ hơ\, mpồl lơh sa kă bro sồr cau năc dờp priă tờm, bal mờ 8% priă cồng pah nam (priă cồng ngân hàng), halà tam gơl dùl bă ù ndai.

Mò Nguyễn Thị Sang ơm tàm gùng Trần Quang Khải, [òn dờng Pleiku là dùl nă cau blơi 3 bă ù tàm do gam gơtìp rồn bơklơn sồr tơn jơh sră pơrgon gơlơh gơjra` nùs mờ suk ơm ngan, đơs bè do: Công ty đơs là pal bơsong jơh bă ù D3-01 den hơ\ sồng bơsong ai a` in lơh hìu ơm. Ờ dờp priă den tam pơgơl mờ ù ndai. A` kung dờn sơl mơya mìng đơs mờ bơr lơm, ờ go\ lơh sră pơ àr, ờ bơsong bơta lơi ờ. Đơs ngan là neh geh ală bă ù gơtìp tăc mờ cau ndai in, mờ cau ndai neh lơh hìu ơm.

Ai tàm tiah làng bol ơm kis Cầu Sắt, gơ wèt gùng Cách Mạng Tháng Tam tàm tơrbo\ jòng, xã Trà Đá, [òn dờng Pleiku bơh Công ty Cổ phần bơtàu tơnguh hìu ơm VK lơh cau tờm bơcri priă Land, bi Hồ Thị Phương Mai mờ pơgăp 40 hìu bơnhă làng bol ndai blơi ù, lơh hìu ơm kung glar bòl ngan bè hơ\ sơl. Bi Mai pà gi\t, neh 6 nam do kờp bơh tu\ bi ntrờ` tus tàm do nàng ơm kis, phan bơna pal geh bè đèng, dà rơndăp broă lơh kung gam ờ hềt lơh gơs sơl. 40 nơm hìu geh lơh gơ ơm rah rài tàm bă ù ơnàng 36 lồ den tàng bơta lơngăp lơngai ờ niam ngan, hìu ờ geh sồ hìu, gùng ờ geh mat. Pơn jăt bal mờ hơ\ là dùl ròt bơta ờ niam tàm rài kis.

Bi Hồ Thị Phương Mai đơs bè do: Đèng den tu\ hơ\ pal tơm là 2.500 đong dùl sồ, dilah geh bơta ờ niam den he pal lơh niam wơl is, đah cau tờm bơcri priă lơh rơndăp broă lơh do ờ go\ dong kờl. Nàng priă đèng he in tơm dùl êt wơl den he pal tă is priă nàng lơh. Dà den ngui dà tơrlung khuàng bơh công ty dê, kờ` ngui dà măy den pal tă is priă nàng lơh gùng ding is. Bơta lơngăp lơngai ờ geh, sùm gơtìp cau tung kơ`au phan, nggui tàm do mơya khi mu\t kơ`au phan tàm hìu.

Tàm tơngai bơh nam 2003- 2010, UBND càr Gia Lai neh geh kơrnoat ki\ ring bal gùng dà bơcri priă ai uă mpồl lơh sa kă bro in lơh ală rơndăp broă lơh [òn làng bol ơm kis nàng kờ` pờ ơnàng mờ lơh bơka niam wơl tiah drà Pleiku. Pơnrơ là Công ty TNHH Quang Vinh I, Công ty TNHH bơtàu tơnguh hìu ơm VK Hightland tu\ do là VK Land, Công ty Cổ phần priă jền mờ bơtàu tơnguh mpồl lơh sa kă bro FBS lơh pơgăp jơ\t rơndăp broă lơh [òn làng bol ơm kis, tiah tờm kă bro. Jăt mờ hơ\, mpồl lơh sa kă bro geh càr jàu măt ù gời, jàu ù ờ geh tàm pơrlòng coh khà, geh dờp bơta dong kờl bè dia. Hơ wơl, mpồl lơh sa kă bro pal lơh bơ\t bơtàu phan bơna, lơh hìu ơm den hơ\ sồng tăc.

Mơya, tàm bơta geh ngan bơh tu\ hơ\ tus tu\ do, ờ hềt geh mpồl lơh sa kă bro lơi lơh jăt wil tơl jơnau hơ pơrgon mờ càr. Bơta geh ngan bal là phan bơna ờ hềt lơh gơs, hìu bơsram, [làng nhơl ndrờm ờ hềt geh lơh, geh tu\ là gơtìp sơrbì te\ bơh rơndăp ù tiah tơnơ\ ală dơ\ dan tam gơl. Bulah ờ hềt tơl bơta nàng bơyai lơh tăc rơndăp broă lơh, mơya nàng sa kơ`au priă cồng uă ngan bơh drà kă bro dê, jơh ală mpồl lơh sa kă bro ndrờm ki\ sră pơrgon tăc ù bơnàng hìu bơh ală sră pơrgon tă pơgồp priă lơh hìu ơm.

Bơta do neh geh đơs tàm ală dơ\ gròi sền bơh Hội đồng Nhân dân càr Gia Lai dê mờ jơnau đơs pơndu\t sồ 2834/TB-TTCP nhai 11/2014 bơh Thanh tra Chính phủ dê.

Ồng Lưu Văn Thanh, Phó Kuang atbồ Sở Xây dựng càr Gia Lai đơs, bơta sơrlồng sơrlàng bơh drà kă bro ù tiah hìu đam tàm Pleiku dê tu\ do gam lơh bơta pin dờn bơh cau blơi rơndăp broă lơh dê gơtìp gơmù, gơrềng tus ală rơndăp broă lơh pa; jơnau kờ` bơtàu tơnguh tiah drà Pleiku gam gơtìp gơhoài lơyaì wơl.

Ồng Lưu Văn Thanh, đơs bè do: Jơnau kờ` bơh càr dê là bơ\t bơtàu tiah drà niam, [òn dờng niam. Dà lơgar geh tiah drà, cau bơcri priă geh priă cồng, làng bol den geh wil tơl phan bơna rlau. Kes priă dà lơgar geh tă mơya đơs ngan, ală cau bơcri priă ndrờm jòi gùng pleh adat cèng bơta kuơ dờng ngan ai ală cau bơcri priă in. Ală rơndăp broă lơh jo\ jòng lơh tiah drà rơnhah rơnhơ ngan.

Bơta ờ rơndăp tăp sèng mờ ală mpồl lơh sa kă bro ù tiah hìu đam tàm Pleiku lơh gơlik ngan ngồn neh gơ gơs là bơta kal ke, tu\ mờ uă làng bol digơlan roh ù, roh priă.

Cau mblàng Lơ Mu K’Yến