VOV4.K’ho- Sở Văn hóa- Thể thao mờ Du lịch càr Gia Lai pơgồp bal mờ Ală mpồl lơh broă nhơl chờ càr bơyai lơh tìp măt ală anih lơh broă, mpồl lơh sa kă bro lơh broă kă bro drơng broă ala, broă nhơl chờ nàng kờ` bơyai broă lơh gơhòi gơ jà cau lòt nhơl tàm tơngai gơbàn kòp Covid-19. Nàng broă lơh gơhòi gơ jà cau lòt nhơl lam lơh geh cồng nha, Ală mpồl lơh broă nhơl chờ Việt Nam neh rwah 4 càr là: Bình Định, Phú Yên, Dăk Lăk mờ Gia Lai lam lơh tơrlòng lài.

Do là tu\ niam nàng ală anih lơh broă, mpồl lơh sa kă bro lơh broă kă bro drơng broă ala nhơl chờ tàm ù tiah do gơhòi gơ jà năc lòt nhơl, lơh geh cồng nha lơh broă kă bro tàm tơngai tu\ do. Tàm dơ\ tìp măt, ală anih lơh broă, mpồl lơh sa kă bro ring bal lơh jăt broă lơh tơrmù khà priă, tơnguh bơta niam drơng broă hìu `ô sa dờng, hìu năc, pơndiang phan, nhơl chờ…mơkung geh ală broă lơh gơhòi gơ jà, tơrmù khà priă lời ai mpồl năc mờ năc lòl rah rài in.

Jăt mờ hơ\, ală anih lơh broă, mpồl lơh sa kă bro gah lơh broă nhơl chờ hơ tơrmù khà priă bơh 10% tus 20% drơng broă sàu sa, bơh 20% tus 30% drơng broă ơm bi\c nàng gơhòi gơ jà năc lòt nhơl bơh tàm lơgar mờ năc lòt nhơl bơh dunia.

Cau mblàng Lơ Mu K’Yến