VOV4.K’ho- Ủy ban Mặt trận dà lơgar Việt Nam càr Gia Lai bơyai lơh Dơ\ lam lơh Nhai lơh uă tài cau r[ah nam 2019. Mìng is bơh nhai 10 nam 2018 tus tu\ do, Kes priă tài cau r[ah bơh càr dê neh tă pơgồp geh 9 tơmàn 800 tơlak.

Bơh priă jền do neh lơh pa 188 nơm hìu “Tam klac dờng”, lơh niam wơl 49 nơm hìu, dong kờl priă lơh sa, sơntìl chi tam, phan ròng, phơng sih dong kờl hìu r[ah, uă ngan là cau kòn cau bơtàu tơnguh lơh sa mờ bơyai lơh uă broă lơh ndai, bè kham sơm kòp ờ sa priă, dong kờl priă bơsram ai kơnòm bơsram r[ah sơrlèt gan kal ke bơsram sră in.

Mờ jơnau kờ` tơrmù r[ah kơ\ kơl jăp tơngai bơh nam 2016- 2020, lơh jăt Ngai Dunia tam dră mờ jơgloh r[ah, Ngai tài cau r[ah Việt Nam (17/10), Mpồl hòi jà tă pơgồp Kes priă tài cau r[ah càr lam lơh Nhai lơh uă tài cau r[ah nam 2019 bơh ngai 17/10/2019 tus ngai 18/11/2019. Tàm dơ\ bơyai lơh Dơ\ lam lơh, Ủy ban Mặt trận dà lơgar Việt Nam càr Gia Lai neh pơn jăt tai dờp bơta dong kờl tơn bơh 82 anih lơh broă, mpồl lơh sa kă bro, cau dùl nă să is dê bal mờ kờp jơh priă rlau 1 tơmàn 400 tơlak.

Cau mblàng Lơ Mu K’Yến