VOV4.K’ho – Drim òr 08/11, UBND càr Gia Lai bơyai lơh cribơyai mờ ală hợp tác xã. Nam do, càr Gia Lai neh geh 38 hợp tác xã crơng gơs pa, tơnguh khà hợp tác xã tàm càr tus mờr 250, lơh broă ua\ ngan tàm gah lơh sa suơn sre. Mờ pria\ bơcri mờr 190 tơmàn, ală hợp tác xã neh gơ hòi gơ jà geh 18 rbô nă cau tus bal tàm hợp tác xã. Sền bal, broă lơh bơh Hợp tác xã tàm càr Gia Lai dê gam ờ pràn jơh bal bè broă lơh sa kă bro, pràn jak tàm pơr lòng mờ pria\ bơcri.

Gùt anih pơrjum

Do là dơ\ sơn rờp, càr Gia Lai bơyai lơh pơrjum nàng kờ` iat ală jơnau đơs, jơnau dan bơh hợp tác xã bal mờ ală mpồl blơi phan bơna lơh gơlik. Nàng bơh hơ\, ală kấp gơ noar atbồ, gah lơh broă geh gơ noar tàm càr gơtùi lơh niam gơnoar broă lơh bal nàng chồl pràn ală hợp tác xã bơtàu tơnguh. Tàm dơ\ pơrjum, ala mat ală hợp tác xã neh geh ua\ jơnau dan nàng bơsong kal ke tàm broă lơh bè: dong kờl ù tiah nàng lơh hìu lơh broă, hìu prap phan, [làng ìs; geh ai càn pria\; bơ tơl cau lơh broă kơnòm să, geh bồ tơngoh bơsram sră, jòi anih blơi phan lơh gơlik in…

Cau mblàng K’Duẩn