VOV4.K’ho- Mìng gam ờ hềt tơl dùl nhai tai là jơh nam 2019, nam lồi du\t nàng lơh gơs jơnau kờ` bơh tơngai lơh broă bơh nam 2015- 2020 dê, ală càr tàm tiah Tây Nguyên gam jơh nùs kờp sền, sền swì broă lơh jăt ală kơnòl broă lơh sa- mpồl bơtiàn tơngai bơh nam 2015- 2020, nàng kờ` ai geh gùng dà broă dipal ai tu\ tơngai pơn jăt tai in.

Tàm Tây Nguyên, loh làng ngan rlau jơh là càr Gia Lai neh geh ală tềl tơngo\ bơtàu tơnguh niam ngan tàm bàr pe broă lơh sa- mpồl bơtiàn, mơya kung pal kong mờ bơta kal ke tàm tu\ lơh broă sa sươn sre brê bơnơm bulah geh uă bơta pràn. Jơnau cih tơnơ\ do geh đơs bè bơta geh ngan mờ ală bơta lòng gơ wèt mờ càr Gia Lai tàm broă ngui niam ală bơnah priă bơcri nàng lơh tơnguh geh ală bơta pràn lơh sa.

Neh uă nam, bă mìr ơnàng rlau 70 lồ tàm xã Cư Gu, kơnhoàl Krông Pa, càr Gia Lai dê ờ go\ cèng wơl priă jền lơh sa uă, tài bơh ù tiah ro kơnra` ngan, sùm gơtìp ờ geh tơnhàu tài bơh tơngai prang dờng. Mơya mìng tàm 1 nam sơnrờp tu\ lơh rơndăp broă lơh ồs đèng măt tơngai tàm do geh ai mu\t lơh broă, Công ty Cổ phần ồs đèng Gia Lai neh tơmu\t bal tàm gùng che đèng dà lơgar in 103 tơlak kwh, priă lơh geh rlau 200 tơmàn đong, tơm priă dia dà lơgar in mờr 20 tơmàn đong.

Ồng Tạ Chí Khanh, Phó Chủ tịch Ủy ban Nhân dân kơnhoàl Krông Pa pà gi\t, bơtàu tơnguh đèng măt tơngai neh geh đơs nền là gùng dà bơcri priă geh cồng nha, dong kơnhoàl r[ah sơrlèt gan kal ke, ai càl ờ niam ngan gơ gơs wơl là bơta kuơ lơh sa. Ồng Tạ Chí Khanh, đơs: Do là bơta pràn dờng ngan pơgồp bơnah bơtàu tơnguh ồs đèng lơh geh wơl bal bơh dà lơgar dê, kung là bơnàng jă nàng kơnhoàl Krông Pa in pơn jăt tai lơh jăt tam gơl rơndăp tăp sèng lơh sa bơh broă gơmù priă jền bơh gah lơh broă sa sươn sre dê, gơguh priă jền bơh gah lơh sa mờ măy mok dê tàm tơngai tus.  

Tàm tu\ ồs đèng kloh neh geh tơngo\ bơta pràn, dong lơh sa mờ măy mok càr Gia Lai in jòi gơlik gùng dà tam gơl sơrbac mhar pa, den lơh broă sa sươn sre kung geh broă bơtàu tơnguh sơl, tu\ jòi go\ bơta pơgồp bal geh cồng nha là lơh sa mờ măy mok lơh gơlik phan. Dùl tàm ală mpồl lơh sa kă bro pơgồp bơnah lơh gơs bơta pơgồp bal geh cồng nha do là Công ty Cổ phần phẩm tăc mờ lơgar ndai Đồng Giao DOVECO, tu\ bơcri priă lơh mpồl lơh gơlik phan lơh geh bơh sươn sre- phan sa pa rài do dê, pràn lơh gơlik 52 rbô tấn phan dùl nam tàm kơnhoàl Mang Yang. Ală phan bơna bè biăp, plai chi bè plai màk, bơ, prìt, sầu riêng bơh lài mìng geh cau kon buôn blơi tơn tàm sươn, tu\ do neh geh DOVECO lơh gơlik gơs phan niam ngan, gơ gơs ală phan sa ơn tơn tàm hồp, ơn tàm khàr, tăc mờ drà Mỹ, châu Âu, Nhờk…

Ồng Đinh Gia Nghĩa, Phó Kuang ătbồ dờng DOVECO đơs, lơh broă sa sươn sre Gia Lai mờ Tây Nguyên dê geh tơl bơta nàng gơ gơs là tiah tờm lơh sa dờng bơh gùt lơgar dê. Ồng Đinh Gia Nghĩa, đơs tai bè do: Tàm gùng dà bơh bol a` dê tàm ù tiah Tây Nguyên đơs bal mờ Gia Lai đơs is tàm pơgăp bơh 5 tus 10 nam tai, den digơlan geh gơ gơs là tiah tờm lơh gơlik phan bè biăp, kơnuh bùm, plai chi dờng bơh gùt lơgar dê. Kuơmàng là chi sa plai bè plai màk, bơ, prìt sơkò, prìt. Den tàng gùng dà bơtàu tơnguh bơh bol a` dê bơh 5 tus 10 nam tai là geh pờ tai bơh 1 tus 2 hìu măy tàm Gia Lai do bal mờ pràn lơh gơlik bơh 150 rbô tus 200 rbô tấn phan bơna dùl nam.

Bulah bơta pràn uă ngan, bơta [ươn uă ngan mơya Gia Lai đơs is, lơh sa- mpồl bơtiàn Tây Nguyên đơs bal kung gam sơl là tiah ờ bơtàu tơnguh pơndrờm mờ khà kờp bal bơh gùt lơgar dê. Mờ tàm ală gah phan pràn tờm tơn, lam bồ lài gùt lơgar, mờ geh tu\ là sơrlèt rlau uă pơndrờm mờ dunia, bè kơphê, tiêu…kung gam gơtìp gơmù uă bè priă jền. Broă lơh lơh broă sa lơh sa dềt rah rài jăt bơta geh wih geh wơl là tam tơnơ\ hơ\ koh, koh tơnơ\ hơ\ tam wơl…lơh dùl ròt cau lơh broă sa sươn sre gơtìp hoàc hươr, dồs kơnòl ờ jai tơm ngân hàng dê gơguh tis gi\t nđờ rbô tơmàn đong.

Ồng Mai Liệu, ơm tàm thôn Thủy Phú, xã Ia Blứ, kơnhoàl Cư Pưh, là dùl tàm ală cau geh priă tơmàn bơh tam tiêu tàm xã Ia Blứ, kơnhoàl Cư Pưh pà gi\t, priă bơcri bơh làng bol dê tàm do ndrờm bè ờ gam geh bơta lơi tai, tơnơ\ mờ tu\ hoàc hươr bơh tờm tiêu. Ală cau geh priă tờm lài do, tu\ do dồs kơnòl tàm hìu đam, tăc ù, tăc hìu, sơrbì [òn lơgar lòt dô tus tiah ndai nàng lơh broă apah.

{òn bol a` mang lòt, ngai lòt. A` geh 9 nă kòn, dùl nă den pal tăc ù, tăc hìu nàng geh priă tơm dồs ngân hàng dê. 2 nă sau kòn ùr dê bơsram ơdu\ 12 sơrbì te\ bơsram mờ lòt lơh broă apah, ai bàr pe nă sau kòn klau dê den lòt tus quận Tân Bình, [òn dờng Hồ Chí minh nàng lơh broă apah.

Bơta geh ngan bềng bơta tam gơl tàm mờr 5 nam do pà go\, pal geh gùng dà bơcri priă niam jăt tàm bơta sền go\ loh làng tu\ tơngai niam kung bè bơta lòng, nàng ngui niam ală bơta pràn lơh sa, dong Gia Lai đơs is, Tây Nguyên đơs bal bơtàu tơnguh kơ\ kơl jăp.

Cau cih Công Bắc- Cau mblàng Lơ Mu K’Yến