VOV4.K’ho- Drim ngai 3/8, dùl nơm rơdeh năc neh tơm tàm tiah drà jat kềng gah gùng 14,  gơ wèt thị trấn Chư Sê, kơnhoàl Chư Sê, càr Gia Lai, lơh 5 nă cau chơ\t mờ sồt să. Anih lơh broă geh gơnoar gam lùp khàu lơh loh jơnau gơbàn dơ\ rềs àr nàng lơh glài di mờ kơrnoat tàm adat boh lam dê. Mơya, jơnau gơ lời wơl neh digơlan ờ gơlik geh halà geh tơrmù [à bơta ngòt rơngơ\t dilah ờ geh broă sơgràm jat gah gùng lòt nàng tơrgùm tac phan khat gơboh.

Camera sền gàr lơngap lơngai bơh hìu bơnhă bi Phan Văn Đức, sồ hìu 811, gùng Hùng Vương, thị trấn Chư Sê, kơnhoàl Chư Sê, càr Gia Lai, tơngo\ wơl jơh ală bơta gơlik geh bơh dơ\ rềs àr ngòt rơngơ\t gơlik geh tàm drim ngai 3/8 lơh 4 nă cau chơ\t mờ 1 nă cau sồt să. Tiah gơbàn rềs àr tềng đap mpồng mut tàm drà tiah tàm gùl kơnhoàl Chư Sê dê. Jat bi Đức, bơh jo\ tiah do neh gơtìp làng bol sơgràm mờ gơs là tiah kă bro ờ di mờ kơrnoat geh ai. Tàm tu\ hơ\, gơl gùng do sùm geh uă rơndeh lòt gan, digơlan gơlik geh rềs àr gùng lòt tu\ lơi ờ g^t.

Gùng lòt tam cah do là [ùi mho halà nggùl ngai den khi lik tàm gùng kă bro ngòt rơngơ\t ngan. Khi đơs là gùng dà lơgar dê, ai ală oh mi lơh broă sền gàr lơngap lơngai ờ do ờ dă gùng lòt kung lơh broă jơh nùs ngan mơya ờ di tu\ lơi oh mi kung tus sền ờ. Jơnau gơ lời wơl là rềs àr neh gơlik geh a` sền go\ tềng đap mat, g^t nđờ nă cau chơ\t bè do ờ g^t ală kuang đơng lam bồ den kơlôi mbè lơi.

Rơndeh năc lơh gơbàn rềs àr lơh 5 nă cau chơ\t jê tàm tiah drà Chư Sê, càr Gia Lai

Jat ồng Trần Sỹ Đại, Mpồl atbồ sền gàr lơngap lơngai mờ ờ do ờ dă gùng lòt thị trấn Chư Sê, kơnhoàl Chư Sê, càr Gia Lai yal, bulah geh mpồl lơh broă geh gơnoar neh sùm kơryan broă tơrgùm tăc phan tìs mờ kơrnoat geh ai. Mơya, jơnau do kung gam gơlik geh uă ngan sơl, ngan là tàm àng drim gờ` mờ mho mang, digơlan gơlik rềs àr là ờ gơtùi g^t lài.

Kal ke bol a` dê là nùs nhơm lơh jat bơh ală làng bol kă bro phan tam drà tiah tàm gùl kơnhoàl dê là khi ờ geh nùs nhơm lơh jat adat boh lam gùng lòt. Tu\ bol a` lòt sền den khi lơh jat, tu\ bol a` lòt bloh den khi cèng phan lik tàm gùng tăc tai, halà ală jiơ bol a` ờ hềt lòt bè àng drim gờ`, mho mang den khi sơgràm jat kềng gah gùng lòt, kal ke ngan.

Tiah gơbàn dơ\ rềs àr gùng lòt lơh 5 nă cau chơ\t jê tàm tiah drà Chư Sê, càr Gia Lai

Jơnau sơgràm jat gah gùng lòt nàng kă bro phan neh gơlik geh uă nam do tàm càr Gia Lai, ngan là tàm gùng 14, gơl lòt gan ală tiah gal làng bol ơm kis bè [òn dờng Pleiku, thị trấn Chư Sê (kơnhoàl Chư Sê) halà thị trấn Nhơn Hòa (kơnhoàl Chư Pưh). Bơta digơlan gơlik geh rềs àr gùng lòt là uă ngan tàm ală tiah tơrgùm tăc phan tìs mờ kơrnoat boh lam. Mờ dơ\ rềs àr tàm drim 3/8 tàm drà Chư Sê là jơnau tơngkah lài bè broă atbồ dà lơgar dê bè jơnau kă bro phan bơna sơgràm jat gah gùng lòt.

Ồng Kpă Thuyên, Phó Chủ tịch UBND càr Gia Lai pà g^t, càr neh sồr lơh ngan jơh nùs nàng kơryan broă tơrgùm tăc phan tìs mờ kơrnoat boh lam. Mơya, kung gam geh uă kơnhoàl thị xã ờ hềt lơh niam broă do.

UBND càr neh đơng lam Mpồl lơh broă ờ do ờ dă gùng lòt tàm ală tiah geh drà rềp mờ ală gùng rơndeh dờng pal lơh niam broă sền gàr ờ do ờ dă gùng lòt, ờ ai làng bol in sơgràm jat gah gùng lòt nàng kă bro. Mơya, tàm tơngai pa do, ală tiah lơh jat niam, geh tiah tu\ lơh jat geh tu\ ờ, kung gam jơnau tơrgùm kă bro jat gah gùng lòt sơl. Tàm tơngai tus, bol a` tơnguh broă đơng lam, tơnguh broă lòt sền, tơngkah làng bol ờ tơrgùm jat gah gùng lòt tăc phan tai, nàng gàr niam ờ do ờ dă gùng lòt.

Cau mblàng K’ Hạnh