VOV4.K’ho- Bơh bồ nhai 4 tus tu\ do, càr Gia Lai neh dờp ală bơnah dong kờl, bal mờ mờr 1 tơmàn 100 tơlak đong priă măt bal mờ uă chèu glòm muh măt, phan bơna lơh sơnơm mờ ală phan bơna ndai, pơgồp bơnah tơnguh uă cồng nha rcăng sơndră kòp Covid-19 tàm càr. Tàm khà priă mờ phan bơna neh tă pơgồp, Ủy ban Mặt trận dà lơgar Việt Nam càr Gia Lai neh dờp mờr 1 tơmàn 100 tơlak đong priă măt, bơh 166 mpồl cau mờ cau dùl nă să is tàm càr dê tă pơgồp.

166 mpồl cau mờ cau dùl nă să is tàm Gia Lai neh dong kờl priă ai broă lơh rcăng sơndră kòp Covid-19 tàm càr in

Kung tàm tu\ tơngai do sơl, Sở Y tế càr Gia Lai dờp 40 rbô nơm chèu sơnơm, 9 nơm măy lơh geh oxy khà ơn pơdơng 10 lit mờ 2 nơm măy jồr nhơm kis, bơh ală mpồl lơh sa kă bro tàm Hà Nội mờ [òn dờng Hồ Chí Minh dê pơyua pà. Mặt trận dà lơgar Việt Nam càr Gia Lai pà gi\t, bal mờ pơn jăt tai hòi jà tă pơgồp dong kờl broă lơh rcăng sơndră kòp Covid-19 tàm càr, pơyua priă mờ phan bơna dong kờl tus ală mpồl cau gam lơh kơnòl broă rcăng sơndră kòp, mặt trận geh să tờm tơn lơh broă dong kờl, mơkung mblàng yal rcăng sơndră kòp tàm tiah làng bol kòn cau bơh càr dê.

Cau mblàng Lơ Mu K’Yến