VOV4.K’ho- Bơh bồ nhai 8, càr Gia Lai neh mut lơh tơrlòng lài broă jàu bàr pe kơnòl, drơng broă hành chính công bơh Anih Drơng broă Hành chính công càr mờ Mpồl kuang bàng lơh broă dùl mpồng bơh UBND [òn dờng Pleiku  dê tus Bưu điện càr. Do geh sền là broă lơh lơh geh tai bơta lơh niam bè tam gơl pa hành chính bơh tiah do dê.

Jat hơ\, Bưu điện càr ai cau lơh broă tus bal dong kờl bơsong sră nggal hành chính tàm Anih drơng broă hành chính công càr Gia Lai dê, tàm hơ\ geh: Pơlam sră nggal hành chính, sền mờ dờp sră nggal, tă priă,… jat jơnau sồr; yal tơng^t jơnau yal sră nggal tàm phầm mềm, cih sră pơr gon, jàu sră nggal ai anih lơh broă geh gơnoar in; dờp cồng nha bơsong sră nggal hành chính; jàu dờp cồng nha ai cau dùl nă să is mờ mpồl cau.

Tu\ do, UBND ală kơnhoàl, [òn dờng tàm hơ\ geh: Pleiku, Chư Sê, Ia Grai, Mang Yang, Krông Pa mờ UBND xã Ia Rsươm (kơnhoàl Krông Pa) neh lơh tơrlòng lài jàu bàr pe kơnòl broă, drơng broă hành chính công tus Bưu điện kấp kơnhoàl mờ Bưu điện văn hoá xã.

Digơlan bồ nhai 9 tus geh tai 5 xã gơ wèt kơnhoàl Chư Sê, Mang Yang, [òn dờng Pleiku mờ ală kơnhoàl, thị xã: Chư Prông, Chư Pah, Đak Đoa, Ia Pa, An Khê lơh jat rơndap broă lơh do.Tus lồi nam 2020, jơh ală tiah tàm càr Gia Lai ndrờm jàu broă drơng broă hành chính công, Mpồl kuang bàng lơh broă dùl mpồng bơh Bưu điện dùl kấp.

Cau mblàng K’ Hạnh