VOV4.K’ho – Tàm UBND càr Gia lai, Mpồl đơng lam rơcang sơndră kòp as sồt gùngtă nhơm kơn jơ\ bơh jơi pa virus SARS-CoV2 lơh gơbàn (Covid-19) càr Gia Lai bơyai lơh pơrjum lam lơh jal mhar broă rơcang sơndră kòp. 

Tàm dơ\ pơrjum, ală kuang geh jơng Mpôl đơng lam càr dê neh tă pơ gồp jơnau đơs tàm jơnau rơcang cih Jơnau digơlan gơlik geh jat mờ tơl khà bơh kòp Covid-19 bơh càr Gia Lai dê kung bè broă rơndap lơh dờp công nhân Việt Nam bơh lơgar Lo mờ ală lơgar geh kòp rê hờ Việt Nam gan tiah nhàr dà lơgar bơh càr Gia Lai dê.

Đơs pơn dut pơrjum, Kuang đơng lam bồ càr đơs nền: Tơnơ\ dơ\ pơrjum do, sồr Gah Gíao dục mờ Đào tạo pơ gồp bal mờ gah lơh sơnơm rơcang nền nòn nàng geh jơnau sồr ai kơnòm bơsram in lòt bơsram wơl; bơt bơtàu tơnguh mùl màl bè broă lơh rơcang sơndră kòp tu\ ai lòt bơsram wơl tàm ală kấp bơsram; lơh jat di jơnau pơlam bơh gah lơh sơnơm dê; rơcang ală bơta nàng rơcang sơndră kòp bè dà sàng kloh, sơ [ong; pờ sồ điện thoại tàm yal jơnau đah hìu bơsram mờ mè bèp kơnòm bơsram nàng yal di tu\ bè pràn kơldang să jan kơnòm bơsram dê.

Cau mblàng K’Duẩn