VOV4.K’ho - Drim òr (09/12), HĐND càr Gia Lai khoă 11 neh sơn đờm pơrjum dơ\ 11. Nam do, broă lơh sa mpồl bơtiàn càr Gia Lai geh ală tam gơl niam, geh 21 tàm 21 khà broă mờ Nghị quyết HĐND càr ai lơh geh mờ sơrlèt mờ rơndăp broă geh ai.

                                            Càr Gia Lai sơn đờm mu\t pơrjum HĐND càr dơ\ 11

Tơnguh lơh sa càr Gia Lai geh 8,16%, tă dia kes priă dà lơgar geh mờr 5 rơbô tơmàn priă. Tàm bơta broă lơh sa suơn sre gơtìp kal ke tài khà priă ală bơta phan geh lơh bơh broă lơh sa suơn sre gơmù, càr neh tơrgùm đơng lam bơ\t bơtàu wơl broă lơh sa suơn sre, mờ hòi jà ală anih lơh sa kă bro bơcri priă tàm gah lơh gơs mờ năng lượng geh lơh wơl.

Tàm nam, neh geh mờr 20 rơbô tơmàn priă geh ală anih lơh sa kă bro hơ bơcri tàm ală rơndăp broă lơh tàm càr do. Đơs tàm dơ\ sơn đờm pơrjum, ồng Dương Văn Trang, Bí thư Tỉnh uỷ, Chủ tịch HĐND càr Gia Lai pà g^t, bu\ lah broă lơh sa mpồl bơtiàn càr dê tam gơl niam, mơya mùl màl gam geh ờ uă kal ke.

Tàm pơrjum, ală kuang bàng tàm HĐND càr Gia Lai neh nền nòn sền wơl, mblàng tài bơta lơi, lơh loh ờ uă broă gam ờ pràn kờ` ai geh ală broă tơmù kờ` lơh gơs ală khà broă lơh sa mpồl bơtiàn nam 2020.

Cau mblàng Ndong Brawl