VOV4.K’ho – Thanh tra càr Gia Lai pa git go\ Mpồl atbồ brê Ia Mơr, kơnhòal Chư Prông neh lơh roh rlau 545 lồ brê geh jàu, mơkung geh broă lơh tìs bè priă jền rlau 900 tơlak.

Mùl màl, tàm jơnau đơs pơn dut pa tơlik, Thanh tra Gia Lai pà git, bơh lòt sền ngan ngồn tàm 10 bơh 15 tiểu khu bơh mpồl do dê atbồ, sền go\ geh 545 lồ brê gơtìp kơl mus, sơ gràm, lơh mìr.

Mơya, cau tờm brê pa lơh sră lơh tìs rlau 237 lồ, đal git 125 nă cau sơ gràm ù brê mờ bă ù ơnàng 29 lồ 6 sàu. Bè broă lơh priă jền, khà priă lơh tìs geh git go\ bơh lùp sền là rlau 913 tơlak. Thanh tra Gia Lai đơs là, bơdĩh mờ broă pal lơh glài kơ nòl gơ wèt tus mờ ală cau dùl nă să geh gơ rềng tàm mpồl atbồ brê, Thanh tra Gia Lai dan UBND càr Gia Lai sồr mpồl do tờm tong priă lơh tìs là rlau 913 tơlak tơmut tàm kes priă dà lơgar dê jat jơnau sồr.

Cau mblàng K’Duẩn