VOV4.K’ho- Gùng Hồ Chí Minh gơl gùng lòt pleh tiah đah mat tơngai lik thị trấn Chư Sê, càr Gia Lai lơh gơs mờ sền swì ai ngui tàm nhai 6 nam do. Mơya, tơnơ\ mờ tu\ geh mìu sơr bồ sơnam tơn, gơl gùng lòt gan thôn Đoàn Kết, xã Ia Pal, kơnhoàl Chư Sê dê neh geh ală tềl rơdàng.

Gùng Hồ Chí Minh gơl pleh tiah đah mat tơngai lik thị trấn Chư Sê gơtìp rơdàng dờng tus gi\t nđờ rhiang thơk

Tàm ngai 3/9 pa do, rlau 100 thơk gùng tàm do gơtìp gơmù ù mờ rơdàng uă ngan. Geh tềl rơdàng jrô rlau 1 thơk, ơnàng tus nggùl thơk. Ù kềng 2 đah gùng gơtìp tơrlah jơh, uă pang căng geh lơh mờ bê tông neh gơtìp gơmù ù, tam gơl jơh. Bơta ờdiơng do gam lơh gơlik bơta ngòt rơngơt ai kòn bơnus mờ rơndeh rơndồ in tu\ lòt rê gan gơl gùng do.

Tơnơ\ mờ tu\ sền go\ broă do tơn, Sở Giao thông mờ Vận tải càr Gia Lai neh pơgồp bal mờ Ủy ban Nhân dân kơnhoàl Chư Sê tus sền bơta geh ngan mờ dờp bơta geh ngan gùng ờdiơng uă ngan tàm do. Sở neh pơyua sră tus mờ Mpồl atbồ rơndăp broă lơh 6 gơ wèt Bộ Giao thông mờ Vận tải do là mpồl lơh gùng do, mờ sồr mpồl do geh ală broă lơh gàr niam ờdo ờdă ai kòn bơnus mờ rơndeh rơndồ lòt rê gan gơl gùng do.

Cau mblàng Lơ Mu K’Yến