Tàm ală xã tiah sar lơgar ngài bơh càr Gia Lai dê, broă lòt rê gam uă ngan kal ke. Jơnau cau pơgru mang pah mang lòt gan brê, tă dà croh jòi kơnòm bơsram, hòi jà ală oh tus hìu bơsram, tus ơdu\ bơsram ờ gam di là jơnau krơi sơ [ơi tai. Broă lơh geh kuơ hơ\ neh gơ gơs ală jơnau yal ngoh rơngac ngan bè nùs nhơm đềt mềr đah cau pơgru mờ kơnòm bơsram mờ pơgồp bơnah tơnguh cồng nha bơto bơsram tàm tiah sar lơgar ngài.

Ală ngai bồ nam bơsram pa 2019 – 2020, tu\ trồ neh mang, tàm dơ\ mìu sơr jo\ jòng, ală cau pơgru hìu bơsram kòn cau ơm ngai kấp 2 Kroong lòt gùng nàng jòi ală kơnòm bơsram. Anih tus bơh ală cau pơgru dê là ală hìu kù, lơh ing tàm ală mìr ơm ngài tàm bơ nơm, geh tiah ngài mờ hìu bơsram rlau 20 kơi sồ mờ pal roh uă tu\ jơ hơ\\ sồng lòt tus. Klau pơgru Đinh Hải, neh 5 nam bơto tàm do pà git, bồ nam bơsram lơi kung bè hơ\ lơm, ală cơnđòa jơng lòt jòi kơnòm bơsram bơh ală cau pơgrutàm do dê lòt tàm ală gơl gùng brê ntiar, tiă gan ală dà croh hòr nhăng ngan mờ trồ mang noat mrềt bơh kàl mìu dê: “Tàm ală [òn geh broă lơh sa kal ke, tiah sar  lơgar ngài den bol a` pal rơ wah trồ mang nàng lòt tus ală hìu kù tìp ală oh, hòi jà ală oh tus ơdu\ bơsram. Broă lơh sa bơh hìu bơnhă ală oh dê den geh uă hìu bơnhă kal ke ngan, 2, 3 nă mè bèp kơnòm bơsram geh jơnau git wă bè broă bơsram sră ờ uă. Den tàng, bulah trồ mìu càl mơya ală cau pơgru kung pal tus ală hìu kù nàng hòi jà ală oh tus hìu bơsram, ai dilah trồ ngai den ală oh sùm lòt tàm brê, lòt lơh broă den tàng ờ gơtùi tìp ală oh. Den tàng, bol a` mìng gơtùi lòt tàm trồ mang nàng tìp ală oh”.

Ngar mang jun kơnòm bơsram tus ơdu\ bơsram

Tơngai bồ nam bơsram pa là tơngai kal ke ngan rlau jơh bơh hìu bơsram ơm ngai Kroong dê kung bè ală hìu bơsram tàm ală xã tiah sar lơgar ngài ndai dê. Tơnơ\ ală nhai rlô bơkang, jơh ală oh ndrờm neh mờng mờ broă lơh sươn mìr den tàng hui\ tus hìu bơsram. Den tàng, pah mang, cau pơgru pal lòt tus tàm hìu halà sươn mìr nàng hòi jà, jun ală oh tus hìu bơsram. Oh Đinh Thị Chăng, kơnòm bơsram ơdu\ 9, hìu bơsram kòn cau ơm ngai kấp 2 Kroong, kơnhòal Kbang, càr Gia Lai pà git: “Cau pơgru kung ờ suk ngan ală oh in, dong kờl ală oh uă ngan, jơh bal tàm rài kis, sàu sa, anih ơm mờ anih bơsram. Oh geh lơh ngan bơsram jak, tryang tryồng, ờ sang bơsram, lòt bơsram sùm”.

Lòt gan brê bơnơm, tiă dà croh jrô jòi kơnòm bơsram

Klau pơgru Nguyễn Việt Quốc, atbồ hìu bơsram kòn cau ơm ngai kấp 2 Kroong, kơnhòal Kbang, càr Gia Lai pà git, là broă lơh hìu bơsram ơm ngai mơya mùl màl, hìu bơsram neh gàr broă lơh ơm tơn tàm hìu bơsram bơh uă nam do. Pah tu\ tus bồ nam bơsram pa, broă hòi jà ală oh tus ơdu\ bơsram geh hìu bơsram pơlam tus tơl nă cau pơgru mờ lam lơh dùl bă jơh nùs. Ngar mang, lòt gan brê, tiă dà croh neh gơ gơs mờng quèng ngan gơ wèt mờ ală cau pơgru tiah do. Bulah kal ke kàr lơi, ală cau pơgru bal mờ kuang đơng lam bồ hìu bơsram kung pal tus tàm hìu nàng jun kơnòm bơsram tus ơdu\ bơsram. Tài geh bè hơ\ den hơ\ sồng gơtùi gàr khà kơnòm bơsram tus ơdu\ bơsram mờ tơnguh cồng nha bơto bơsram. Mờ tu\ ală oh tus hìu bơsram, tus ơdu\ bơsram den hìu bơsram pal jòi uă broă lơh gơ hòi gơ jà nàng ală oh in tus wơl hìu bơsram: “Hìu bơsram neh sền gròi ală thôn, [òn, git loh ală bơta bè rài kis kơnòm bơsram, bơh hơ\, hòi jà jun oh kòn tus ơdu\ bơsram. Dùl bơta kal ke tàm do là tu\ neh jun oh kòn tus ơdu\ bơsram den pal lơh bè lơi nàng gàr ală oh ơm wơl bơsram. Hìu bơsram neh bơyai lơh uă broă lơh bơto bơsram bơdìh mờ tu\ jơ bơsram tàm ơdu\ nàng lơh gơlik anih nhơl geh kuơ nàng ală oh in nhơl `o\, bơsram”.

Nùs nhơm đềt mềr đah cau pơgru mờ kơnòm bơsram cih gơs jơnau ngoh rơngac ngan tàm xã ngài Kroong

Bal mờ ală chính sách ai lài tiah sar lơgar ngài in den bơta jơh nùs tài kơnòm bơsram, ală cau pơgru tàm tiah ngài xã Kroong, kơnhòal Kbang, càr Gia Lai gam cih gơs jơnau ngoh rơngac ngan bè nùs nhơm đềt mềr đah cau pơgru mờ kơnòm bơsram tàm bồ nam bơsram pa. Bơta sền gròi bơh ală cau pơgru tiah do dê ờ mìng dong oh kòn bơh làng bol tàm [òn lơgar dờng pràn tàm bơta chờ hờp, ring lơngai, gơ lòng sồr, bơsram jak, mờ gam dong làng bol tam xã tiah ngài iang nùs lơh broă sa.

Cau mblàng K’Duẩn