VOV4.K’ho- Bal mờ gùt lơgar, broă rcang sơn dră kòp Covid-19, tàm càr Gia Lai gam mut tàm tu\ tơngai krà` cê jơh nùs, mờ bơta lơh ngan bơh jơh bal ală anih lơh broă chính trị mờ bơta dong kờl bơh ală rơnàng làng bol dê. Tàm tu\ tơngai sơn dră kòp bè tam dră mờ bol sò tơm, ală mpồl ling klàng tàm càr nehdi pal là anih kơldìng kơ\ kơl jap, tu\ hòi jà gal ngan kuang bàng, cau ling; tơrgùm uă phan bơna bal mờ ală mpồl cau lơh sơnơm ling klàng tus bal tàm broă do. Broă lơh rcang sơn dră kòp Covid-19 mờ ală mpồl crơng gơs gam pơgồp bơnah kuơ màng tàm broă kơryan kòp bơh uă tiah, rcang lài mờ ală bơta gơlik jal mhar rlau.

Gùl ngai kàl prang duh trơ ồl uă ngan, bi Nguyễn Công Hoan nggui sa [anh mi, hùc dà kơphê bal mờ 2 nă cau ndai, hơđơm dùl m[ur chi dờng tàm thị trấn tiah nhàr lơgar Ia Kha, kơnhoàl Ia Grai, càr Gia Lai. Bi Hoan pà g^t, a` lòt tàm thị trấn nàng blơi ding dà rê tuh dà suơn kơphê hìu bơnhă in tàm xã Ia O, mơya tus nggùl ngai den ờ geh tiah lơi ơm rlô să tài bơh ală anih tăc phan sa - dà hùc ndrờm til mpồng rcang sơn dră kòp Covid-19. Bi Hoan chờ hờp dờp mờ broă ơm rlô ờ niam tài bơta do neh geh mpồl ling sền gàr tiah nhàr lơgar mờ mpồl lơh broă geh gơnoar tàm xã Ia O dê yal bơh bàr pe ngai lài hơ\.

Bè broă rcang sơn dră kòp tàm tiah oh ơm den oh sền go\ kuang bàng, bol khi lơh krà` cê ngan, tus tơn tàm ală anih ràng tăc phan. Làng bol den kung g^t wă ngan tu\ lòt tàm gùng ndrờm pơn chèo glòm muh mat. Pơn chèo glòm muh mat nàng sền gàr is să tờm he in mờ sền gàr ai mpồl bơtìan in sơl.

Ơm kis bal hiă tàm dùl anih sền gròi kòp Covid-19 tàm tiah nhàr lơgar Gia Lai

Jat Thượng tá Rơmah Tuân, Chính ủy Gah đơng lam mpồl ling sền gàr tiah nhàr lơgar càr Gia Lai, tiah nhàr lơgar đah mat tơngai lik càr dê, rềp nhàr bal mờ càr Ratanakiri, lơgar Campuchia, digơlan là mpồng mut lik nàng kòp Covid-19 buơn bơtờp. Dùl bơnah là tài bơta kòp tàm lơgar Campuchia gam kal ke, bơnah ndai tai là geh uă làng bol Việt Nam lơh broă tàm ală rơndap broă lơh tàm lơgar Campuchia, digơlan rê wơl tàm lơgar tờm. Jat tàm hơ\, tiah nhàr tàm do geh uă gùng wềt, gùng pờ, làng bol sùm lòt rê. Den tàng bè hơ\, sền gròi kòp Covid-19 bơh tàm tiah nhàr lơgar geh mpồl ling sền gàr tiah nhàr lơgar, ală mpồl lơh sa kă bro sền gàr dà lơgar mờ gơnoar atbồ tiah do dê mut lơh niam ngan.

Tàm tu\ hơ\, mpồl ling sền gàr tiah nhàr lơgar càr Gia Lai neh lơh mờr 30 anih sền gròi kòp, mờ rlau 200 nă kuang bàng, cau ling sùm lơh kơnòl broă; ală mpồl “lơh mhar” bơh mpồl ling sền gàr tiah nhàr lơgar mờ ală tiah nhàr lơgar pơgồp bal g^t loh hộ khẩu tơl hìu bơnhă, di tu\ g^t go\ ală bơta tam gơl tàm hìu bơnhă nàng tus bơsong. Thượng tá Rơmah Tuân pà g^t “ lơh mhar” neh gơ gơs là jơnau đơs bơh mpồl dê tàm tơngai sơn dră kòp ngan ngồn geh sền là tam dră mờ bol sò tơm.

Ală Mpồl ling sền gàr tiah nhàr lơgar crơng gơs Mpồl đơng lam mờ ală mpồl lơh mhar. Ală mpồl crơng gơs lài den lùp lăp mờ gơnoar atbồ tiah do in crơng gơs ală Mpồl đơng lam mờ mpồl lơh mhar; tu\ geh bơta lơi gơlik geh den tơr gùm wơl là mut lơh tơn bloh. Bơh bơta geh ngan, den sền go\ ală mpồl lơh mhar lơh broă geh kơnòl uă  mờ ring bal. Mờ nùs nhơm kơnòl broă mờ bơta ring bal bè hơ\ den broă rcang sơn dră kòp tàm tiah nhàr lơgar geh lơh niam ngan.

1 nă ùr sĩ quan Gah đơng lam ling klàng càr Gia Lai lơh kơnòl broă tàm tiah ơm yah tam cah is (Rùp Như Nguyệt- Báo Gia Lai)

Tàm tu\ tơngai tu\ do, broă rcang sơn dră kòp Covid-19 tàm Gia Lai geh lơh gơs uă gah, kơryan bơh tiah nhàr lơgar mờ kơryan jrô tàm dơlam is càr dê. Ală mpồl lơh sa kă bro ờ dờng màng, [uôn tơrgùm uă cau mờ bơtờp kòp neh geh til mpồng. Làng bol geh sồr lơh jat niam broă pơn chèo glòm muh mat tu\ lòt tàm gùng; ală hìu bơnhă lơh jat niam Chỉ thị bè ơm yah tam cah is. Gùt càr ờ hềt geh cau lơi kòp mờ Covid-19, mơya ờ geh anih lơh broă lơi sền ờ sơ\p mờ roh bơta sền ngăc. Mìng is ală mpồl ling klàng, sơlơ rcang uă ngan ai ală broă rcang sơn dră bơta kal ke digơlan gơlik geh.

Đại tá Huỳnh Việt Dũng, Phó Chỉ huy trưởng, Gah đơng lam ling klàng càr Gia Lai pà g^t, mpồl gam dờp gơnoar broă ơm yah tam cah is tơrgùm bal gơ wèt mờ uă ngan ală cau tàm càr; neh lơh 17 anih ơm yah tam cah is tơr gùm bal, ai ơm di pơgap 4 rơbô nă cau in, mờ gam pơn jat tai kờp sền nàng broă do in geh lơh niam rlau tai.

Bơdìh mờ 17 anih hơ\ den bol a` rcang tai 5 anih. Lơh mbè lơi lơh ngan là tơl anih ơm yah tam cah is tơr gùm bal, mờ tàm tiah ơm yah tam cah is tơr gùm bal den ờ siơ\u tiah ơm; gàr niam ai làng bol in rê ơm den iang nùs tềng tơl bơta gơlik geh kal ke. Mờ Gah đơng lam kung lòt sền mờ gàr niam sùm ală jơnau sồr, rcang sơn dră bơtờp kòp tàm tu\ ơm tàm tiah ơm yah tam cah is tơr gùm bal, mờ nùs nhơm tài làng bol drơng broă; tam pà bal bơta kal ke mờ làng bol mờ nùs nhơm bơh cau ling Wa Hồ dê.

Anih kơryan kòp uă ngan rlau jơh gơ wèt mờ kòp Covid-19 là ală hìu sơnơm, mpồl cau lơh sơnơm ling klàng tàm ală anih ling klàng lơh pôs đồng tàm Gia Lai, mờ 2 nơm hìu sơnơm, g^t nđờ jơ\t hìu sơnơm ling klàng, kung neh rcang nền nòn mờ ală jơnau gơlik geh.

Jat Thiếu tá, bác sĩ Phạm Xuân An, Chủ nhiệm quân y, Kuang atbồ Hìu sơnơm 15-Binh đoàn 15-Bộ Quốc phòng dê đơs: broă đal g^t kòp Covid-19 mpồl dê, gam geh lơh bơh tàm mpồng mut, mờ jơh bal mờ cau kòp, làng bol tus kham, cau năc mờ kuang bàng, cau lơh sơnơm hìu sơnơm dê. Phan bơna mờ mpồl lơh broă, kung geh rcang niam ngan nàng sơm kòp geh cồng nha dilah geh cau bơtờp kòp Covid-19.

Tàm bơta mờ kòp kung gơ ơm tàm kấp độ 3 bè tu\ do, den dilah geh gơ rềng tus làng bol, bol a` geh lơh broă bal mờ CDC Gia Lai, nàng pơgồp bal jun ală cau kòp tàm khoa nhiệt đới Hìu sơnơm dờng càr dê.

Ai dilah cau bơh ling klàng dê atbồ, hơ\ là kuang bàng, cau ling mờ cau lơh broă bơh Binh đoàn dê, den Binh đoàn geh jun tàm tiah ơm yah tam cah is tàm hìu sơnơm, bơh dùl gùng lòt is mut tơn tàm khoa truyền nhiễm. Tu\ do tiah do gơtùi dờp sơm kòp 10 nă cau in. Tàm tiah sơm cau kòp Covid-19 den geh dùl cơldu\ sơm kòp, dùl cơldu\ kấp cứu, geh rcang ma\y tă nhơm mờ ală phan bơna ndai.

Tus tu\ do, broă rcang sơn dră kòp Covid-19 gùt lơgar đơs bal, Gia Lai đơs is, gam geh lơh di pal. Jơh bal mpồl lơh broă chính trị mờ làng bol ală tiah tàm càr ndrờm lơh ngan jơh nùs. Mìng is ală mpồl ling klàng, neh tơngo\ uă ngan rlau jơh nùs nhơm lơh jat kơrnoat boh lam, nùs nhơm krà` cê, ờ ngòt bòll glar kal ke. Broă sơn dră kòp Covid-19 gam jo\ jòng, mờ ală bi pin dờn là kung gam là anih kơl dìng rcang sơn dră kòp, là tiah nùs nhơm rề ơnàng nàng làng bol in lơh jat, pơgồp bơnah tàm bơta lơh geh ja pha bal.

Cau cih Đình Tuấn- Cau mblàng K’ Hạnh