VOV4.K’ho- Tềng đăp bơta gơbàn kal ke bơh kòp Covid-19 dê, ngai 27/3, UBND càr Gia Lai neh geh kơrnoat sồr lơh jăt krà` cê jơh nùs dơ\ lơh uă rcăng sơndră kòp Covid-19 tàm càr. Pal sền ngăc là kơrnoat đơs nền geh lơh glài krà` cau lam bồ ală anih lơh broă, ală tiah, ală mpồl cau dilah lời gơlik geh jơnau tơrgùm gal cau. Kơrnoat pa bơh UBND càr Gia Lai dê cih tus 14 tơngume, geh lơh jăt sùm bơh ngai 28/3 tus ngai 15/4.

Dùl anih tam dră mờ kòp tàm tiah nhàr lơgar bơh càr Gia Lai dê

Tàm hơ\, kuơmàng khà dùl là lơh jăt krà` cê jơh nùs broă ờ huan ai tơrgùm gal cau, tàm hơ\ geh: ơm jơh ală broă lơh geh bơh 20 nă cau rlau hơđang, bè ală dơ\ pơrjum, ală broă lơh tàm ală anih duh broă yàng pin dờn jăt yàng; til mpồng ing ală anih lơh broă kă bro drơng broă ờ huan kuơmàng; sồr lơh jăt bơta tam cah ngài bơh 2 thơk rlau hơđang đah tơl nă cau tàm tiah gal cau. Dùl ròt bal mờ ală broă lơh do, càr kung lơh nền ai kơnòm bơsram, cau bơsram dờng in pơn jăt tai ơm rlô bơsram tus ngai 15/4.

Cau mblàng Lơ Mu K’Yến