VOV4.K’ho- Rlau 12 rbô lồ kau su chơ\t mờ ờ huan kis dờng pràn, dùl ròt mpồl lơh sa kă bro jê bồ jê tơngoh tài bơh priă tăc bơsơ\t kau su gơmù uă ngan, là bơta mpờl go\ ngan geh đơs uă tàm dơ\ lơh broă bơh Mpồl kuang bàng Ban lơh sa dà lơgar dê tàm càr Gia Lai drim òr 19/9.

Càr Gia Lai tu\ do geh pơgăp 96 rbô lồ kau su, tàm hơ\ geh 75% bă kau su neh ai bơsơ\t. Tàm tơngai bơh nam 2008- 2011, càr lam lơh jat rơndăp broă lơh tam gơl 50 rbô lồ brê ờ huan geh chi che nàng tam kau su mờ neh ngan ngồn tam geh 25 rbô lồ. Mơya, rlau 12 rbô lồ tam tàm bă ù brê ờ huan geh chi che neh chơ\t halà croă` ờ dờng. Mờ broă priă tăc bơsơ\t kau su gơmù uă ir sùm tàm uă nam neh lơh ală mpồl lơh sa kă bro tìp kal ke uă ngan, digơlan lơh sa hoàc hươr mờ gơrềng uă ngan tus 43 rbô nă cau lơh broă.

Càr Gia Lai gam dan mờ Chính phủ geh gùng dà bè rơndăp tăp sèng wơl dồs càn, lời ing dồs, ai tơm jo\ dồs mờ geh broă dong kờl càn priă ờ sa priă cồng uă, dong kờl priă cồng ờ uă nàng mpồl lơh sa kă bro in tam wơl kau su. Bal mờ pơlam gùng dà rơndăp tăp sèng wơl gah lơh kau su, càr Gia Lai kung dan mờ dà lơgar geh gùng dà broă lơh, dong kờl nàng tam gơl bă kau su 12 rbô lồ chơ\t mờ croă` ờ dờng.

Cau mblàng Lơ Mu K’Yến