VOV4.K’ho- Kuang đơng lam bồ càr Gia Lai neh đơng lam Pơrjum pờ tơlik tơn tàm internet gùt càr bal mờ ală kơnhoàl, thị xã, [òn dờng tàm jàu broă lơh bơ\t bơtàu kuơmàng 3 nhai bồ nam 2020 do.

Đơs tàm pơrjum, kuang đơng lam bồ càr Gia Lai sồr ală anih lơh broă dong broă, cau tờm bơcri priă rơndăp broă lơh lơh loh làng ală kal ke, kòl yan mờ dan ală gùng dà broă lơh loh làng nàng lơh mhar tơngai pơrgon lơh gơs broă lơh tàm tơngai kòp Covid-19 gam gơlik geh kal ke.

Nùs nhơm đơng lam bơh kuang đơng lam bồ càr dê là: Tơrgùm jơh bơta pràn nàng rcăng sơndră kòp lơh geh cồng nha mơya kung gam pal gàr niam ală broă lơh lơh sa kung bè broă lơh jăt ală broă dờng, kuơmàng drơng ai jơnau kờ` chính trị, bơtàu tơnguh lơh sa- mpồl bơtiàn bơh càr dê in.

Kuang đơng lam bồ càr đơs là: dilah cau tờm bơcri priă lơi ờ tơl pràn den pal lời te\ priă jền nàng ai cau bơcri priă ndai in tơl bơta lơh broă, hơ lơh jăt di tơngai, dilah gơ jal ir den pal kơlôi tus bal broă lơh bè kuang bàng, dilah cau tờm rơndăp broă lơh ờ pràn jak den geh pal ala. Den tàng broă lời lơyaì là geh tìs mờ làng bol tu\ priă dia ngui ờ hềt geh cồng nha ngan ngồn.

Cau mblàng Lơ Mu K’Yến