VOV4.K’ho- Ngai 19/3, Mpồl đơng lam rcăng sơndră kòp Sars CoV 2 bơh càr Gia Lai dê dờp tai 24 nă cau là cau lơh broă bơh ală mpồl lơh sa kă bro lơgar Việt Nam dê tàm Campuchia rê hờ lơgar lơh jăt jơnau sồr tam cah is tàm Anih tờm pơlam tàp mờ bơto bơtê Chính trị- Trung đoàn 991, Gah đơng lam Mpồl ling càr Gia Lai.

Digơlan tàm ală ngai tus, khà cau lơh broă lơgar Việt Nam bơh Campuchia rê hờ lơgar tờm lòt gan ù tiah càr Gia Lai geh gơguh pràn. Gah lơh sơnơm neh rcăng ală gùng dà broă lơh nàng dờp, bal mờ ală broă lơh kloh khuẩn, pà chèu bơh tềng mpồng nhàr lơgar tơn mờ rcăng lài rơndeh rơndồ pơndiang jun, jăt sền, gròi sền pràn kơldang să jan tàm tiah tam cah is. Càr Gia Lai kung neh rơndăp lơh uă anih tam cah is tơrgùm bal tàm [òn dờng Pleiku, gơtùi tơl nàng tam cah is rlau 1.100 nă cau.

Bơdìh mờ ală làng bol bơh Campuchia, Gia Lai kung gam tam cah is 5 nă làng bol rê wơl bơh ală lơgar ndai sơl. Ală cồng nha xét nghiệm pa ngan rlau jơh gơ wèt mờ ală cau do, ndrờm pà go\ ờ bơtờp mờ kòp do.

 Cau mblàng Lơ Mu K’Yến