VOV4.K’ho- Broă bơt bơtàu mờ bơtàu tơnguh bơta niam chài rơgơi, kòn bơnus Việt Nam di pal mờ jơnau sồr bơtàu tơnguh kơ\ kơl jap dà lơgar tàm càr Gia Lai gam geh bơta ờ hềt pràn, ờ hềt geh mut lơh. Bàr pe bơta niam chài rơgơi digơlan gơbàn roh.

Do là dùl tàm ală jơnau geh đơs tàm Pơrjum Tỉnh ủy Gia Lai neh geh lơh ngai òr 17 nhai 7. Bơh 5 nam mut lơh Nghị quyết sồ 33 bơh Đảng dà lơgar dê, broă bơt bơtàu mờ bơtàu tơnguh bơta niam chài rơgơi, kòn bơnus tàm ù tiah càr Gia Lai geh bơta tam gơl niam ngan, rài kis niam chài rơgơi bơh làng bol dê ngai sơlơ lila, ală bơta kuơ niam chài rơgơi bơh yau bơh kòn cau dê geh ngui niam.

Ală broă lơh niam chài rơgơi, đơs crih tam ya, tàp pràn să jan geh bơcri priă mờ bơtàu tơnguh. Bơhìan bơh yau, ală dơ\ lơh chờ bơh yau niam bơne\ bơh làng bol kòn cau dê geh sền gròi mờ prap gàr.

Bơdìh mờ ală cồng nha neh lơh geh, Tỉnh ủy Gia Lai kung sơnđio go\ ală bơta ờ hềt pràn, ală bơta ờ hềt geh lơh, mơkung sồr ală cấp ủy, gơnoar atbồ, mặt trận dà lơgar, mpồl chính trị- mpồl bơtìan pal lơh ngan rlau tai tàm broă sền gròi rài kis niam chài rơgơi ai làng bol in.

Cau mblàng K’ Hạnh