VOV4.K’ho – Drim òr (01/10), Ban chấp hành Đảng bộ càr Gia Lai bơyai lơh Pơrjum dơ\ 19 nàng kờ` sền sơwì bè broă lơh sa mpồl bơtìan, pơlam lơh jat ală nghị quyết, jơnau đơs pơn dut bơh dà lơgar dê mờ cribơyai, ai jơnau đơs bè 2, 3 tơngume rơcang tus Pơrjum kuang bàng Đảng bộ càr dơ\ 16. 

                                                                                  Gùt anih pơrjum

9 nhai do, Ban chấp hành Đảng bộ càr Gia Lai neh tơr gùm đơng lam bồ, pơlam lam lơh geh cồng nha ală kơnòl lơh sa, mpồl bơtìan, sền gàr dà lơgar, sền gàr lơngap lơngai jat ală jơnau kờ`, ală khà mờ Nghị quyết ai tơlik. Kờp jơh tă dia geh mờr 3 rbô 400 tơmàn priă. Broă lơh rơcang sơndră sa kuề sa kùa, hoàc huơr geh ală bơta tam gơl niam.

Tỉnh ủy Gia Lai kung đơs tus uă bơta ờ niam, bơta lòng bè lơh sa mpồl bơtìan tàm càr, bè: bơta lơngap lơngai, ờ do ờ dă mpồl bơtìan gam digơlan geh uă bơta kal ke, ngan là bơta ai càn priă sa priă cồng uă, mpồl lơh broă geh gônar mờ cau tờm brê lơyài git go\, lơh glài uă broă lơh tìs adat sền gàr brê…

Ală tơngume do geh tơr gùm cribơyai mờ jòi broă lơh bơsong tàm tơngai tus. Kung tàm pơrjum dơ\ do, Ban chấp hành Đảng bộ Gia Lai tơr gùm cribơyai, ai jơnau đơs bè tơngume, jơnau đơs bơh Pơrjum kuang bàng Đảng bộ càr dơ\ 16 (tơngai lơh broă bơh nam 2020 tus nam 2025) mờ Jơnau rơcang cih jơnau cih Chính trị bơh Ban chấp hành Đảng bộ càr khóa 15 (tơngai lơh broă bơh nam 2015 tus nam 2020).

Cau mblàng K’Duẩn